თა­ვის მხრივ, სა­ა­კაშ­ვი­ლი კი­ევ­ში ჩას­ვლას და უკ­რა­ი­ნე­ლე­ბის „დახ­მა­რე­ბას“ აა­ნონ­სებს. სა­ქარ­თვე­ლო­ში მის კუთ­ვნილ პარ­ტი­ა­ში კი პო­ლი­ტი­კუ­რი ქუ­ლე­ბის და­სა­წე­რად ემ­ზა­დე­ბი­ან. პო­ლი­ტო­ლოგ ხა­თუ­ნა ლა­გა­ზი­ძის აზ­რით, სა­ა­კაშ­ვი­ლის­თვის უკ­რა­ი­ნის მო­ქა­ლა­ქე­ო­ბის დაბ­რუ­ნე­ბა „ნა­ცი­ო­ნა­ლუ­რი მოძ­რა­ო­ბის­თვის“ „მე­ო­რე სუნ­თქვის“ გახ­სნის ტოლ­ფა­სი იქ­ნე­ბა.

შე­გახ­სე­ნებთ, რომ, ვლა­დი­მერ ზე­ლენ­სკი ჯერ კი­დევ სა­არ­ჩევ­ნო კამ­პა­ნი­ის დროს ფიქ­რობ­და, სა­ა­კაშ­ვი­ლის­თვის მო­ქა­ლა­ქე­ო­ბის დაბ­რუ­ნე­ბა­ზე. მი­სი­ აზ­რით, სა­ქარ­თვე­ლოს ყო­ფი­ლი პრე­ზი­დენ­ტი "ძა­ლი­ან სე­რი­ო­ზუ­ლი დიპ­ლო­მა­ტი და კონ­სულ­ტან­ტია ნე­ბის­მი­ე­რი კან­დი­და­ტის­თვის, რო­მე­ლიც პო­ლი­ტი­კო­სო­ბას აპი­რებს".

"ძა­ლი­ან ბევ­რი ადა­მი­ა­ნი მი­იჩ­ნევს, რომ სა­ა­კაშ­ვილს შე­უძ­ლია, საკ­მა­ოდ მნიშ­ვნე­ლო­ვა­ნი პოს­ტი და­ი­კა­ვოს უკ­რა­ი­ნის ხე­ლი­სუფ­ლე­ბა­ში. ვთვლი, რომ თუ ადა­მი­ანს ჩა­მო­არ­თვეს მო­ქა­ლა­ქე­ო­ბა, მას აუ­ცი­ლებ­ლად უნდა და­უბ­რუ­ნონ", - აღ­ნიშ­ნა ცოტა ხნის წინ ზე­ლენ­სკიმ.

ხოლო მას შემ­დეგ, რაც ზე­ლენ­სკი მო­ვა­ლე­ო­ბის შეს­რუ­ლე­ბას შე­უდ­გა, ერთ-ერთი პირ­ვე­ლი, რაც გა­ა­კე­თა, წი­ნა­სა­არ­ჩევ­ნოდ გა­ცე­მუ­ლი და­პი­რე­ბა შე­ას­რუ­ლა - მისი წი­ნა­მორ­ბე­დის 2017 წლის 26 ივ­ლი­სის N196 ბრძა­ნე­ბა გა­ა­უქ­მა და სა­ა­კაშ­ვილს მო­ქა­ლა­ქე­ო­ბა და­უბ­რუ­ნა.

და­ი­კა­ვებს თუ არა მე­გო­ბარ ქვე­ყა­ნა­ში სა­ქარ­თვე­ლოს ყო­ფი­ლი პრე­ზი­დენ­ტი კი­დევ ერთხელ მა­ღალ თა­ნამ­დე­ბო­ბას, ჯერ უც­ნო­ბია. მაგ­რამ ქარ­თვე­ლი და უკ­რა­ი­ნე­ლი ექ­სპერ­ტე­ბი ამას არ გა­მო­რი­ცხა­ვენ. უფრო მე­ტიც, ქარ­თვე­ლი პო­ლი­ტო­ლო­გე­ბის აზ­რით, ეს გავ­ლე­ნას იქო­ნი­ებს "ნა­ცი­ო­ნა­ლურ მოძ­რა­ო­ბა­ზე" და ამან შე­საძ­ლოა, მთა­ვარ ოპო­ზი­ცი­ურ ძა­ლას გარ­კვე­უ­ლი პრი­ვი­ლე­გი­აც კი შეს­ძი­ნოს.

უკ­რა­ი­ნე­ლი ექ­სპერ­ტის ვი­ტა­ლი ბა­ლას გან­ცხა­დე­ბით, სა­ა­კაშ­ვი­ლის რა­ი­მე კონ­კრე­ტულ თა­ნამ­დე­ბო­ბა­ზე და­ნიშ­ვნის სა­კი­თხი არ დგას. მი­სი­ვე აზ­რით, ეს არას­წო­რი იქ­ნე­ბო­და კი­დეც.

"თუ უკ­რა­ი­ნის ამ­ჟა­მინ­დე­ლი პრე­ზი­დენ­ტი შექ­მნის რა­ი­მე სა­ხის სა­კონ­სულ­ტა­ციო საბ­ჭოს, რო­მელ­შიც შე­ვი­დოდ­ნენ ცნო­ბი­ლი ადა­მი­ა­ნე­ბი, მი­ხე­ილ სა­ა­კაშ­ვი­ლის ჩათ­ვლით, ეს მის­თვის პლუ­სი იქ­ნე­ბო­და. თუმ­ცა მის­თვის რა­ი­მე სხვა თა­ნამ­დე­ბო­ბის მი­ცე­მა, ჩემი აზ­რით, არას­წო­რია, რად­გან უკ­რა­ი­ნა­ში არი­ან ადა­მი­ა­ნე­ბი, რომ­ლე­ბიც ოდე­სის ყო­ფილ გუ­ბერ­ნა­ტორს მხარს უჭე­რენ და ასე­ვე, რომ­ლე­ბიც არ უჭე­რენ და სა­ა­კაშ­ვი­ლის რა­ი­მე თა­ნამ­დე­ბო­ბა­ზე და­ნიშ­ვნა, გან­სა­კუთ­რე­ბით სა­პარ­ლა­მენ­ტო არ­ჩევ­ნე­ბამ­დე, შე­იძ­ლე­ბა კრი­ტი­კის სა­ფუძ­ვე­ლი გახ­დეს. თუმ­ცა ჩვენ­თან ახლა ირა­ცი­ო­ნა­ლურ ქმე­დე­ბებს აქვს ად­გი­ლი და ზოგ­ჯერ ძა­ლი­ან რთუ­ლია იმის თქმა, თუ რა­ტომ იკა­ვებს რა­ი­მე თა­ნამ­დე­ბო­ბას კონ­კრე­ტუ­ლი ადა­მი­ა­ნი. ანუ ამ მხრივ სის­ტე­მუ­რო­ბას ვერ ვხე­დავ. თუმ­ცა აბ­სო­ლუ­ტუ­რად არ გა­მოვ­რი­ცხავ, რომ სა­ა­კაშ­ვი­ლი რა­ი­მე თა­ნამ­დე­ბო­ბა­ზე მოგ­ვევ­ლი­ნოს", - გა­ნა­ცხა­და ბა­ლამ.

ის, რაც დღეს მოხ­და უკ­რა­ი­ნა­ში, ამ­ტკი­ცებს მარ­ტივ ჭეშ­მა­რი­ტე­ბას, რომ ის­ტო­რია სა­ბო­ლო­ოდ გა­მო­ი­ტანს სა­მარ­თლი­ან გა­ნა­ჩენს, - ეს გან­ცხა­დე­ბა კი „ნა­ცი­ო­ნა­ლუ­რი მოძ­რა­ო­ბის“ თავ­მჯდო­მა­რემ გრი­გოლ ვა­შა­ძემ გა­ა­კე­თა.

მი­სი­ვე გან­მარ­ტე­ბით, სა­ა­კაშ­ვი­ლის­თვის უკ­რა­ი­ნის მო­ქა­ლა­ქე­ო­ბის დაბ­რუ­ნე­ბა სა­სი­ხა­რუ­ლოა იმი­ტომ, რომ ის ახლა „გა­ცი­ლე­ბით უფრო ახ­ლოს იქ­ნე­ბა სა­ქარ­თვე­ლოს­თან“.

„ნა­ცი­ო­ნა­ლუ­რი მოძ­რა­ო­ბის“ და გა­ერ­თი­ა­ნე­ბუ­ლი ოპო­ზი­ცი­ის სა­ხე­ლით, თა­ნა­მედ­რო­ვე სა­ქარ­თვე­ლოს შექ­მნელს, თა­ნა­მედ­რო­ვე სა­ქარ­თვე­ლოს პრე­ზი­დენტს, მინ­და ყვე­ლას სა­ხე­ლით მი­ვუ­ლო­ცო სა­მარ­თლი­ა­ნო­ბის აღ­დგე­ნა. ის, რაც დღეს მოხ­და უკ­რა­ი­ნა­ში, ამ­ტკი­ცებს მარ­ტივ ჭეშ­მა­რი­ტე­ბას, ის­ტო­რია სა­ბო­ლო­ოდ გა­მო­ი­ტანს სა­მარ­თლი­ან გა­ნა­ჩენს. ფულს ყო­ველ­თვის და­ა­მარ­ცხებს იდე­ო­ლო­გია და ღი­რე­ბუ­ლე­ბე­ბი. არ არ­სე­ბობს პო­ლი­ტი­კუ­რი სის­ტე­მა, რო­მე­ლიც ოლი­გარ­ქს არ მის­ცემს სა­შუ­ა­ლე­ბას, დიდ­ხანს იარ­სე­ბოს სა­ხელ­მწი­ფო­ში, თუ სა­ხელ­მწი­ფოს სურს დე­მოკ­რა­ტი­უ­ლად იწო­დე­ბო­დეს. ჩვენ­თვის ეს ძა­ლი­ან დიდი სი­ხა­რუ­ლი და გა­მარ­ჯვე­ბაა, იმი­ტომ, რომ უპირ­ვე­ლეს ყოვ­ლი­სა, სა­ქარ­თვე­ლო და უკ­რა­ი­ნა ერ­თნა­ირ ომში იმ­ყო­ფე­ბი­ან და მე­ო­რე იმი­ტომ, რომ მი­ხე­ილ სა­ა­კაშ­ვი­ლი გა­ცი­ლე­ბით უფრო ახ­ლოს იქ­ნე­ბა სა­ქარ­თვე­ლოს­თან. მი­ხე­ილ სა­ა­კაშ­ვი­ლი უკ­რა­ი­ნის მო­ქა­ლა­ქეა, ძა­ლი­ან ცოტა დრო დარ­ჩა გა­ერ­თი­ა­ნე­ბუ­ლი ოპო­ზი­ცი­ი­სა და „ერ­თი­ა­ნი ნა­ცი­ო­ნა­ლუ­რი მოძ­რა­ო­ბის“ გა­მარ­ჯვე­ბამ­დე სა­ქარ­თვე­ლო­ში და იმ მო­მენ­ტამ­დე, რო­დე­საც მი­ხე­ილ სა­ა­კაშ­ვილს და­უბ­რუნ­დე­ბა სა­ქარ­თვე­ლოს მო­ქა­ლა­ქე­ო­ბა იმი­სათ­ვის, რომ მას­თან ერ­თად გა­ვაგ­რძე­ლოთ ის გზა, რაც და­ი­წყო 2003 წელს - გან­ვი­თა­რე­ბის, დე­მოკ­რა­ტი­ის, უერ­თი­ერ­თპა­ტი­ვის­ცე­მის, კონ­სტი­ტუ­ცი­ის, კა­ნონ­მდებ­ლო­ბის, ჩვე­ნი სა­ზო­გა­დო­ე­ბი­დან ერთხელ და სა­მუ­და­მოდ შუ­რის­ძი­ე­ბის, ღვარ­ძლის და გან­ხეთ­ქი­ლე­ბის გან­დევ­ნის“, - გა­ნა­ცხა­და ვა­შა­ძემ.

ის, რომ სა­ა­კაშ­ვი­ლის­თვის უკ­რა­ი­ნის მო­ქა­ლა­ქე­ო­ბის აღ­დგე­ნა მეტ-ნაკ­ლე­ბად გავ­ლე­ნას მო­ახ­დენს „ნა­ცი­ო­ნა­ლურ მოძ­რა­ო­ბა­ზე“, ამას ქარ­თვე­ლი პო­ლი­ტო­ლო­გე­ბიც არ გა­მო­რი­ცხა­ვენ.

ვახ­ტანგ ძა­ბი­რა­ძის აზ­რით, ეს ფაქ­ტი „ნა­ცი­ო­ნა­ლებს“ მხარ­და­ჭე­რებს არ გა­უზ­რდის, თუმ­ცა, პარ­ტია ამას პი­ა­რის­თვის გა­მო­ი­ყე­ნებს და თა­ნაც სწო­რად.

„ნა­ცი­ო­ნა­ლურ მოძ­რა­ო­ბა­ზე“ სა­ა­კაშ­ვი­ლის პო­ლი­ტი­კუ­რი გავ­ლე­ნა სულ იყო და იქ­ნე­ბა. სა­ა­კაშ­ვი­ლი „ნა­ცი­ო­ნა­ლუ­რი მოძ­რა­ო­ბის­თვის“ მა­მოძ­რა­ვე­ბე­ლი ძა­ლაც არის და მუხ­რუ­ჭიც. უკ­რა­ი­ნის მო­ქა­ლა­ქე­ო­ბით სა­ა­კაშ­ვი­ლი სა­ქარ­თვე­ლო­ში მყოფ პარ­ტი­ას ვე­რა­ნა­ირ მე­ო­რე სი­ცო­ცხლეს ვერ შეს­ძენს, თუმ­ცა, რა თქმა უნდა, „ნა­ცი­ო­ნა­ლუ­რი მოძ­რა­ო­ბა“ ამას პი­ა­რის­თვის გა­მო­ი­ყე­ნებს და სწო­რიც იქ­ნე­ბა. მაგ­რამ ეს მხარ­დამ­ჭე­რე­ბის რა­ო­დე­ნო­ბას არ გა­უზ­რდის.

სა­ა­კაშ­ვილს, რო­გო­რიც ჰქონ­და, ისე­თი აქ­ტი­ვო­ბა ექ­ნე­ბა უკ­რა­ი­ნა­ში, მაგ­რამ რა­ი­მე ტალ­ღის აგო­რე­ბას და მისი მხრი­დან ახა­ლი ძა­ლის ჩა­მო­ყა­ლი­ბე­ბას არ ვე­ლო­დე­ბი. სა­ა­კაშ­ვი­ლის მთე­ლი ძა­ლის­ხმე­ვა მი­მარ­თუ­ლია სა­ქარ­თვე­ლოს­კენ და არა უკ­რა­ი­ნის­კენ. მას უნდა, რომ პირ­ვე­ლი პირი იყოს, უკ­რა­ი­ნა­ში რომ ვერ იქ­ნე­ბა, იცის, ამი­ტომ მე­გო­ბა­რი ქვე­ყა­ნა მას სჭირ­დე­ბა გარ­კვე­უ­ლი პო­ლი­ტი­კუ­რი აქ­ტი­უ­რო­ბის­თვის, რომ გავ­ლე­ნა მო­ახ­დი­ნოს სა­ქარ­თვე­ლო­ზე. თუმ­ცა ეს კონ­კრე­ტუ­ლი ფაქ­ტი გავ­ლე­ნას ვერ მო­ახ­დენს, მაგ­რამ სხვა ფაქ­ტო­რებ­მა შე­საძ­ლოა... ასე რომ, ვნა­ხოთ, რო­გორ გან­ვი­თარ­დე­ბა მოვ­ლე­ნე­ბი. მნიშ­ვნე­ლო­ვა­ნია, პო­ლი­ტი­კუ­რი პრო­ცე­სი რო­გორ წავა სა­ქარ­თვე­ლო­ში. ეს კი მეტ­წი­ლად და­მო­კი­დე­ბუ­ლია „ოც­ნე­ბის“ ხე­ლი­სუფ­ლე­ბა­ზე. მე პი­რა­დად ამ მი­მარ­თუ­ლე­ბით დიდ რყე­ვებს არ ვე­ლო­დე­ბი, მაგ­რამ სა­ქარ­თვე­ლო­ში ოპო­ზი­ცი­უ­რი პო­ლი­ტი­კუ­რი სპექტრი ჯერ არ ჩა­მო­ყა­ლი­ბე­ბუ­ლა. შე­მოდ­გო­მა­ზე ალ­ბათ სუ­რა­თი გა­მო­იკ­ვე­თე­ბა და გა­მოჩ­ნდე­ბა სა­არ­ჩევ­ნო ფი­ნი­შის სწორ­ზე ვის რა პო­ზი­ცი­ე­ბი აქვს და პრე­ტენ­ზი­ე­ბი 2020 წლის­თვის.

თუ „ნა­ცი­ო­ნა­ლუ­რი მოძ­რა­ო­ბა“ და სა­ა­კაშ­ვი­ლი შე­ხე­და­ვენ, გა­ერ­თი­ა­ნე­ბუ­ლი ოპო­ზი­ცი­ის იმი­ჯით ვერ შეძ­ლე­ბენ უმრვა­ლე­სო­ბის მო­პო­ვე­ბას პარ­ლა­მენ­ტში, მა­შინ სა­ა­კაშ­ვი­ლი გა­და­წყვეტს, რომ მისი პარ­ტია და­მო­უ­კი­დებ­ლად შე­ვი­დეს პარ­ლა­მენ­ტში“, - უთხრა AMBEBI.GE-ს ვახ­ტანგ ძა­ბი­რა­ძემ.

ხა­თუ­ნა ლა­გა­ზი­ძის აზ­რით კი, ეს ფაქ­ტი ფსი­ქო­ლო­გი­ურ გარ­და­ტე­ხას მო­ახ­დენს „ნა­ცი­ო­ნა­ლურ მოძ­რა­ო­ბა­ზე“, რო­მელ­საც და­მარ­ცხე­ბუ­ლის კომ­პლექ­სი ჩა­მო­უ­ყა­ლიბ­და.

„ზე­ლენ­სკის სჭირ­დე­ბა სა­ა­კაშ­ვი­ლი და სწო­რედ ამი­ტომ აღუდ­გი­ნა მო­ქა­ლა­ქე­ო­ბა. ვფიქ­რობ, უკ­რა­ი­ნის პრე­ზი­დენ­ტი მას გა­მო­ი­ყე­ნებს მახ­ვი­ლად გა­სა­ნე­იტ­რა­ლე­ბე­ლი ფი­გუ­რე­ბის წი­ნა­აღ­მდეგ. სა­ინ­ტე­რე­სოა, სა­პარ­ლა­მენ­ტო არ­ჩევ­ნებ­ში რა ფორ­მით მი­ი­ღებს სა­ა­კა­ში­ლი მო­ნა­წი­ლე­ო­ბას და რო­გო­რი იქ­ნე­ბა მისი მო­ნა­წი­ლე­ო­ბის ხა­რის­ხი უკ­რა­ი­ნულ არ­ჩევ­ნებ­ში. ამა­ზე იქ­ნე­ბა და­მო­კი­დე­ბუ­ლი ზე­ლენ­სკის ხე­ლი­სუფ­ლე­ბი­სა და სა­ქარ­თვე­ლოს ურ­თი­ერ­თო­ბე­ბი. იმი­ტომ, რომ წინა პრე­ზი­დენ­ტმა როცა სა­ა­კაშ­ვი­ლი თა­ვი­სი გუნ­დით მი­იწ­ვია უკ­რა­ი­ნა­ში, ამან გავ­ლე­ნა იქო­ნია ორი ქვეყ­ნის ურ­თი­ერ­თო­ბა­ზე. ეს ურ­თი­ერ­თბე­ბი დიდი ხნის გან­მავ­ლო­ბა­ში გა­ყი­ნუ­ლი და გამ­წვა­ვე­ბუ­ლი იყო. ახ­ლაც ძა­ლი­ან ბევ­რი რამე იქ­ნე­ბა ამა­ზე და­მო­კი­დე­ბუ­ლი, თუნ­დაც ის თუ რა ოფი­ცი­ა­ლურ პოსტს შეს­თა­ვა­ზებს ზე­ლენ­სკი სა­ა­კაშ­ვილს.

რაც შე­ე­ხე­ბა იმას, თუ რო­გორ აი­სა­ხე­ბა „ნა­ცი­ო­ნა­ლურ მოძ­რა­ო­ბა­ზე“, ესეც პირ­და­პირ არის და­მო­კი­დე­ბუ­ლი იმა­ზე, თუ რა პოსტს და­ი­კა­ვებს და რა გავ­ლე­ნა ექ­ნე­ბა სა­ა­კაშ­ვილს უკ­რა­ი­ნა­ში. თუ მას ექ­ნე­ბა რე­ა­ლუ­რი პოს­ტი და გავ­ლე­ნა, ასეთ შემ­თხვე­ვა­ში ეს ფსი­ქო­ლო­გი­ურ გარ­და­ტე­ხას მო­ახ­დენს „ნა­ცი­ო­ნა­ლურ მოძ­რა­ო­ბა­ზე“, რო­მელ­საც და­მარ­ცხე­ბუ­ლის კომ­პლექ­სი ჩა­მო­უ­ყა­ლიბ­და.

სა­ა­კაშ­ვი­ლი და­სავ­ლეთ­თან ურ­თი­ერ­თო­ბე­ბით ძა­ლი­ან ბევრ რა­მეს გან­სა­ზღვარს. შე­სა­ბა­მი­სად, მას თუ ექ­ნე­ბა რე­ა­ლუ­რი გავ­ლე­ნა, მისი ხმა და წონა და­სავ­ლეთ­თან ურ­თი­ერ­თო­ბა­ში იქ­ნე­ბა უფრო გავ­ლე­ნი­ა­ნი და უფრო მე­ტად შე­ეც­დე­ბა და­სავ­ლე­თის გან­წყო­ბე­ბის ჩა­მო­ყა­ლი­ბე­ბა­ზე მო­ახ­დი­ნოს გავ­ლე­ნა, სა­ქარ­თვე­ლოს 2020 წლის არ­ჩევ­ნებ­თან და­კავ­ში­რე­ბით. სა­ა­კაშ­ვი­ლი უკ­რა­ი­ნა­ში თუ გახ­დე­ბა წო­ნი­ა­ნი ფი­გუ­რა, სა­ქარ­თვე­ლო­ში სას­წორს „ნა­ცი­ო­ნა­ლუ­რი მოძ­რა­ო­ბის­კენ“ გა­და­წო­ნის.

ზე­ლენ­სკი ტყუ­ი­ლად არ აღუდ­გენ­და მო­ქა­ლა­ქე­ო­ბას, მას გათ­ვლა აქვს - უკვე იცის, რა­ტომ მის­ცა მო­ქა­ლა­ქე­ო­ბა. რო­გორც ვთქვი, ეს იქ­ნე­ბა "მახ­ვი­ლი", რომ­ლი­თაც არა­სა­სურ­ველ მო­წი­ნა­აღ­მდე­გე­ებს გა­უმ­კალვდე­ბა. მაგ­რამ "მახ­ვილს" რა პოსტს შეს­თა­ვა­ზებს, ამა­ზე იქ­ნე­ბა ბევ­რი რამე და­მო­კი­დე­ბუ­ლი“, - გვი­თხრა ლა­გა­ზი­ძემ.

ოდე­სის ყო­ფი­ლი გუ­ბერ­ნა­ტო­რი უკ­რა­ი­ნა­ში ჩას­ვლას დღეს აპი­რებს. ამის შე­სა­ხებ თა­ვად მი­ხე­ილ სა­ა­კაშ­ვილ­მა გა­ნა­ცხა­და. რო­გორც მან "კუ­რი­ერ­თან" სა­უბ­რი­სას აღ­ნიშ­ნა, მო­ქა­ლა­ქე­ო­ბა მას უკა­ნო­ნოდ ჰქონ­და ჩა­მორ­თმე­უ­ლი.

ambebi.ge