შალვა პაპუაშვილი ლევან სანიკიძეს გამოეხმაურა, რომელმაც განაცხადა, რომ ქართული პოლიტიკა „ნაციონალური მოძრაობის“ გარშემო ტრიალებს.

„სინამდვილეში, არის ერთი დედა-პარტია – „ნაციონალური მოძრაობა“, რომლის შვილები არიან პატარ-პატარა პარტიები. ესეც ერთ-ერთი გარედან დადგმული სცენარია, რომ ამ დაყოფითა და განაწილებით შექმნან აღქმა, თითქოს არსებობს რაღაც ალტერნატივები ოპოზიციაში. სინამდვილეში, „ნაციონალური მოძრაობა“ კვებავს ყველა სხვა პოლიტიკურ პარტიასა თუ ე.წ. აქტივისტებს. ამიტომაც არის, რომ მივმართეთ საკონსტიტუციო სასამართლოს „ნაციონალური მოძრაობის“ არაკონსტიტუციურად გამოცხადების სარჩელით, ვინაიდან ფაქტია – სანამ „ნაციონალური მოძრაობა“ არსებობს, ის არის ესკალაციის, დემოკრატიისთვის ძირის გამოთხრისა და საქართველოს სუვერენიტეტის უცხოსთვის ჩაბარების ინსტრუმენტი, რომელსაც არ აქვს ადგილი დემოკრატიულ სისტემაში“, – აღნიშნა შალვა პაპუაშვილმა.