"გაზსა და დენზე ტარიფებს გლობალური ფასებიც განაპირობებს - ორშაბათს „სემეკი“ მიიღებს გადაწყვეტილებას" - ირაკლი კობახიძე
გაზსა და დენზე ტარიფებს გლობალური ფასებიც განაპირობებს, - ამის შესახებ პრემიერ-მინისტრმა, ირაკლი კობახიძემ კომუნალური ტარიფების მოსალოდნელ ზრდასთან დაკავშირებით დასმული კითხვის საპასუხოდ განაცხადა.
კობახიძემ იმედი გამოთქვა, რომ არსებული ტარიფები შენარჩუნდება.
„ორშაბათს შედგება „სემეკის“ სხდომა, მანამდე ჩვენ გვექნება კონსულტაციები. ზოგადად, ფასებსა და ტარიფებს გაზზე და დენზე განაპირობებს, მათ შორის, გლობალური ფასებიც. ჩვენ უნდა ჩავხედოთ ყველაფერს და ამისდა მიხედვით ორშაბათს უკვე „სემეკი“ მიიღებს გადაწყვეტილებას როგორც გაზთან, ისე დენთან დაკავშირებით.
ჩვენ ხვალ გვექნება შეხვედრა ამასთან დაკავშირებით. ჩვენ გვაქვს იმედი, რომ მოვახერხებთ ტარიფების შენარჩუნებას, დანარჩენს უკვე კონსულტაციები გადაწყვეტს“, - აღნიშნა კობახიძემ.
სიახლეები
- უცხოური ვალუტის ოფიციალური კურსი 26 დეკემბრისთვის
- 4 ოქტომბრის საქმესთან დაკავშირებით სუს-მა ბაჩო ახალაია დააკავა
- 10 ავტორი და ნაწარმოები, რომლებსაც ქართველები 2025 წელს კითხულობდნენ
- "ივანიშვილმა იყიდა რუსეთში სახლები და ემზადება გასაქცევად, მაგრამ კრემლი ისეთ რაღაცებს სთხოვს, რისი მიცემაც ამ ეტაპზე არ შეუძლია" - მიხეილ სააკაშვილი
- სუს-ი სასურსათო ფასებთან დაკავშირებული საკითხის შესწავლას იწყებს
