ეკა მიშველაძე პოლიტიკაში მიდის
ტელეწამყვანი ეკა მიშველაძე „TV პირველს“ ტოვებს და პოლიტიკაში მიდის. დღეების წინ პროსახელისუფლებო არხის მიერ გავრცელებული ინფორმაცია ჟურნალისტმა თავისი ყოფილი სამსახურის პირდაპირ ეთერში დაადასტურა.
„რაღაც ახალი ეტაპია საჭირო, ბრძოლის ახალ ეტაპს ვგულისხმობ. ბრძოლის იმ ეტაპისთვის უფრო დავინახე ჩემი თავი... იმ ბრძოლას, რომელზეც მე ვლაპარაკობ, უფრო სჭირდება გაცოცხლება, იმედი. უფრო სჭირდება რწმენა. მინდა, რომ გარკვეული წვლილი შევიტანო ამაში და მგონია, რომ ამას შევძლებ... მთელ ჩემს ძალას, ენერგიას, შემართებას, რაც მაქვს ჩავდებ ბოლომდე ამაში“, - თქვა ეკა მიშველაძემ.
მისი თქმით, ჯერ არ გადაუწყვეტია, თუ რომელ პარტიას შეუერთდება, თუმცა აღნიშნა, რომ აქვს „გარკვეული შეხვედრები“ და „მოლაპარაკებები“.
ეკა მიშველაძე „TV პირველის“ თანამშრომელი 2020 წელს გახდა. მანამდე ის წლები საზოგადოებრივი მაუწყებლის პირველი არხის პოლიტიკური ტოქშოუს უძღვებოდა, უფრო ადრე კი ამავე არხზე საინფორმაციო გამოშვებას.
სიახლეები
- ,,გრიპი კვლავ დომინანტურია, ველოდებით, რომ იანვრის მესამე-მეოთხე კვირას უნდა იყოს გავრცელების პიკი" – ივანე ჩხაიძე
- სკოლებში, გაკვეთილის მიმდინარეობისას, მობილური ტელეფონის გამოყენება არა მხოლოდ მოსწავლეებს, პედაგოგებსაც აეკრძალებათ
- ,,რამდენიმე მცდელობა იყო, რომ სალომე ზურაბიშვილი ჩაეყენებინათ ოპოზიციის გამაერთიანებლად"- გიორგი ვოლსკი
- მასშტაბური აქციები ამერიკაში – მოქალაქეები ტრამპის საიმიგრაციო ზომებს აპროტესტებენ
- შეფასებისა და გამოცდების ეროვნული ცენტრის ხელმძღვანელად თამარ მემანიშვილი დაინიშნა
