როგორც შეხვედრაზე გამოცხადდა, დოკუმენტს მხარი 142-მა დეპუტატმა დაუჭირა, 28 წინააღმდეგი იყო, ხოლო 4-მა თავი შეიკავა.

მედიის ინფორმაციით, მმართველი პარტიის, „ფიდეს-უნგრეთის სამოქალაქო კავშირის“ მიერ შემოთავაზებული რეზოლუცია საკონსულტაციო ხასიათისაა, თუმცა მთავრობა ევროკავშირთან კონსულტაციების დროს პარლამენტის წევრების მოსაზრებების გათვალისწინებას გეგმავს.

დოკუმენტში აღნიშნულია, რომ უნგრეთი ეწინააღმდეგება უკრაინის ევროკავშირში ნაჩქარევად გაწევრიანებას, რადგან ის „საომარ მდგომარეობაშია“ და მისმა გაწევრიანებამ, სავარაუდოდ, ევროპასა და რუსეთს შორის პირდაპირი დაპირისპირება შეიძლება გამოიწვიოს. ამიტომ, პარლამენტის წევრებმა მთავრობას შესთავაზეს, არ დაუჭიროს მხარი უკრაინასთან ევროკავშირში გაწევრიანების შესახებ მოლაპარაკებების დაწყებას.

რეზოლუცია ასევე მოუწოდებს მთავრობას, მხარი დაუჭიროს რუსეთ-უკრაინის კონფლიქტის მოსაგვარებლად საერთაშორისო სამშვიდობო ძალისხმევას და თავი შეიკავოს ამ ქვეყანაში ისეთი იარაღისა და სახსრების გაგზავნისგან, რომელთა გამოყენებაც სამხედრო მიზნებისთვის შეიძლება.