,,ელენე ხოშტარია არანაირი პოლიტიკური ოპონენტი არ არის, ჩვეულებრივი ხულიგანია"- გურამ მაჭარაშვილი
,,ელენე ხოშტარია არანაირი პოლიტიკური ოპონენტი არ არის, ჩვეულებრივი ხულიგანია,”- ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისივე თქმით, ვინც დღეს იხდის სასჯელს, სწორედ სამართლებრივი ქმედებებიდან გამომდინარე იხდის.
„როდესაც გირაოს არ იხდი, ე.ი. მიზანი გაქვს, საპყრობილეში მოხვდე. სხვა საკითხია, ეს არის უცხოეთიდან, თუ შენი ნებით. ალბათ, უფრო უცხოეთიდან იყო, უთხრეს, საპყრობილეში შედი და ჩვენ პოლიტპატიმრობის მანტიას გამოგიგზავნითო. ვინ ვინ და ხოშტარია პოლიტიკურად განსხვავებული პოზიციებისთვის რომ არ არის საპყრობილეში, ყველამ კარგად იცის. მარტო ის რად ღირს, რომ თავად აღიარა, საწყობებში ჰქონდა პიროტექნიკა, ბენზინი, ბოთლები და ყველაფერი, რითაც უნდა დაეწვათ პოლიციელები, შტურმი განეხორციელებინათ პარლამენტზე და ა.შ. ეს ყველაფერი თვითონ აღიარეს და მტკიცებულებებიც ბევრი აღარ არის მოსაპოვებელი. ვითომ პოლიტპატიმრობის მანტია თავიდანვე განწირული იყო. ვინც დღეს იხდის სასჯელს, სწორედ სამართლებრივი ქმედებებიდან გამომდინარე იხდის. ელენე ხოშტარია არანაირი პოლიტიკური ოპონენტი არ არის, ჩვეულებრივი ხულიგანია“, – განაცხადა მაჭარაშვილმა.
შეგახსენებთ, თბილისის საქალაქო სასამართლომ „დროას“ ლიდერს, ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა.
სიახლეები
- ,,არანაირი მტკიცებულება არაა, უბრალოდ, ჩაყრილია სხვადასხვა საჯარო გამოსვლა, 20-მდე პოლიციელის ტყუილი ჩვენებები"- ზურაბ ჯაფარიძე
- ,,ელენე ხოშტარიას საკუთარ შვილებზე რომ ეფიქრა, ქვეყანას რევოლუციას არ მოუწყობდა"- ნინო წილოსანი
- უნგრეთი უკრაინისთვის გაზის მიწოდებას წყვეტს
- ,,ფარისევლობა არის ის, რომ ვითომ ილია მეორე უყვარდათ და ახლა კი მის არჩევანს ასეთ ბინძურ კამპანიაში ხვევენ"- ნინო წილოსანი
- ,,ეს დღეები უმძიმესია ჩვენთვის; ამავე დროს, ვიცით, რომ წმინდა, მართალი ადამიანი როდესაც გარდაიცვლება, ამას თან სდევს სულიერი ნუგეშიც და სიხარულიც” – მეუფე შიო
