რამაზ საყვარელიძე - ფაქტია, რომ აქციების მუხტი შედეგს არ იძლევა
"პიკეტირება რამდენად ეფექტურია, მე მგონი, ჩანს. ფაქტია, რომ მმართველი პარტია, რომლის წინააღმდეგაც არის მიმართული ეს პიკეტირება, არ ცვლის თავის გეგმებს“, - ამის შესახებ პოლიტოლოგმა რამაზ საყვარელიძემ „ინტერპრესნიუსს“ განუცხადა, რითაც პარლამენტის უკვე ორჯერ პიკეტირებისა და „მესამე სერიის“ დაანონსების საკითხზე კომენტირებისას განუცხადა.
რამაზ საყვარელიძე მიიჩნევს, რომ უკეთესი იქნება, თუ ოპოზიცია სხვა გზას მოძებნის, რადგან მისივე თქმით, ყველაფერს აქვს თავისი ვადა.
„პიკეტირება რამდენად ეფექტურია, მე მგონი, ჩანს. ფაქტია, რომ მმართველი პარტია, რომლის წინააღმდეგაც არის მიმართული ეს პიკეტირება, არ ცვლის თავის გეგმებს, შესაბამისად, პიკეტირება ამ მხრივ არ არის ეფექტური. თვითონ საპროტესტო განწყობის მქონე ხალხში ეს ემოციური მუხტი პიკეტის დროს იზრდება, მაგრამ აქციების მუხტი ფაქტია, რომ შედეგს არ იძლევა. ყველაფერს აქვს თავისი ვადა. გავიდა ამდენი ხანი, ფაქტია, რომ ეს გზა არ არის შედეგიანი. ბუნებრივია, უკეთესი იქნება სხვა გზის მოძებნა, მათ შორის ისეთი გზა, სადაც ხელისუფლება უფრო ადვილად წამოვა დათმობებზე, იგივე მოლაპარაკებების გზა“, - განაცხადა საყვარელიძემ.
პოლიტოლოგი მიიჩნევს, რომ „ქართული ოცნება“ ამ აქციებს მისთვის საფრთხისშემცველად არ აღიქვამს.
„ქართული ოცნების“ რიტორიკაში პრაქტიკულად, ყველაფერი უცვლელია და ამდენად, მათ მიმართ მიმართული აქციები არ შეიძლება ჩაითვალოს შედეგიანად. „ქართული ოცნებისთვის“ ეს აქციები, როგორც ჩანს, არ არის სერიოზული საფრთხისშემცველი“, - აღნიშნა პოლიტოლოგმა.
სიახლეები
- ,,სალომე ზურაბიშვილს თავი ფარაონი ჰგონია"- გურამ მაჭარაშვილი
- ,,ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი მათ, ხალხს მოუსმინონ"- შალვა პაპუაშვილი
- ,,შევდივარ ოპოზიციის მდგომარეობაში, რთულია ყოველდღე აქციები ატარო, თან როცა ქუჩის ქარიზმატული ლიდერები არ გვყავს"- გია ხუხაშვილი
- ,,იდიოტიზმს, რომელიც ახლა აქვთ მოწყობილი, იმ უიდეობას, რომელიც ახლა თბილისის ქუჩებში ხდება, სჯობს, დროზე შევიდნენ პარლამენტში"- იაგო ხვიჩია
- ძლიერ ქარიშხალს ორი ადამიანი ემსხვერპლა ვაშინგტონში
