პარლამენტში იწყება ნიკა მელიას ადგილმონაცვლის უფლებამოსილების ცნობის პროცედურა
საქართველოს პარლამენტის საპროცედურო საკითხთა და წესების კომიტეტი დღევანდელ სხდომაზე განიხილავს საკითხს „პარლამენტის გამოკლებული წევრის ნიკანორ მელიას ადგილმონაცვლის ბადრი ბასიშვილის უფლებამოსილების ცნობის შესახებ“.
ბადრი ბასიშვილი 2008-2012 წლებში, საქართველოს მეშვიდე მოწვევის პარლამენტის წევრი იყო.
ფრაქცია „ნაციონალური მოძრაობის“ წევრს, ნიკა მელიას პარლამენტმა უფლებამოსილება 12 დეკემბერს შეუწყვიტა 88 ხმით.
მელიასთვის უფლებამოსილების შეწყვეტის საკითხი მას შემდეგ დადგა, რაც სასამართლომ ის დამნაშავედ ცნო ბანკ „ქართუს“ გაკოტრების მცდელობის საქმეზე.
2 დეკემბერს, თბილისის საქალაქო სასამართლომ აღსრულების ეროვნული ბიუროს ყოფილ ხელმძღვანელს, ნიკა მელიას სამსახურებრივი უფლებამოსილების ბოროტად გამოყენებისთვის 25 ათასი ლარის ჯარიმა დააკისრა და 2 წლის და 3 თვის ვადით ჩამოართვა თანამდებობის დაკავების უფლება.
აღსრულების ეროვნული ბიუროს ყოფილ ხელმძღვანელს, ნიკა მელიას, იუსტიციის ყოფილ მინისტრ ზურაბ ადეიშვილსა და კიდევ ათამდე პირს ბრალი 2012 წლის ბოლოს წაუყენეს.
მელიას და ადეიშვილს ბრალად დასდეს სამსახურებრივი უფლებამოსილების ბოროტად გამოყენება და გადამეტება და ქონების გადამალვა მოჩვენებითი ან თვალთმაქცური გარიგებით. სასამართლომ მელია დამნაშავედ ცნო მხოლოდ უფლებამოსილების ბოროტად გამოყენებაში.
სიახლეები
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
- "პირველი მერცხლები არა და პირველი პუფები გამოჩნდნენ, გახარიებმა პატრონებს დაველაპარაკებით და რასაც გვეტყვიანო, შეიძლება, ჩვენ შეგვასწრონ პარლამენტში"- მამუკა მდინარაძე
- "ამას ჰქვია სამართლებრივი თაღლითობა, როდესაც შეგაქვს სარჩელი იმ სასამართლოში, რომლის უფლებამოსილებასა და კომპეტენციაში არ არის განიხილოს ის საკითხი, რომელსაც შენ მას სთხოვ " - კახა კახიშვილი
