დეპუტატის თქმით, არაერთი მინისტრი მოსულა არაერთხელ და მათ შორის, პრემიერ-მინისტრიც. 

"ძალიან დიდი იმედი მაქვს, რომ ქალბატონი ეკა აუცილებლად მოვა იმ რეგლამენტის მიხედვით, რომელიც არის პარლამენტის და დარწმუნებული ვარ, რომ ის თავის ვალდებულებას შეასრულებს. უბრალოდ, შეიძლება ამ მომენტში, კონკრეტულად დღეს ვერ მოვიდა და ეს არც უნდა იყოს გასაკვირი. მთავარი არის ის, რომ ის მოვიდეს რეგლამენტით გათვალისწინებული წესით. ჩვენ გასულ კვირას გვქონდა პრემიერ-მინისტრის ვიზიტი და მგონი, ყველა კითხვას პასუხი ამომწურავად გაეცა. თუმცა, რა თქმა უნდა, კიდევ ერთხელ ხაზს ვუსვამ, რომ რეგლამენტით დადგენილი მოთხოვნების გათვალისწინება, შესრულება ყველასთვის აუცილებელია, ეს იქნება სოფო კილაძე, ეკატერინე ტიკარაძე თუ ნებისმიერი სხვა. დარწმუნებული ვარ, რომ ქალბატონი ეკა პარლამენტში აუცილებლად მოვა. დღეს თუ მოსვლა ვერ მოახერხა, ამაში ტრაგედიას ვერ ვხედავ", - განაცხადა სოფო კილაძემ.

ცნობისთვის, "დამოუკიდებელმა დეპუტატებმა" პარლამენტში ჯადაცვის მინისტრი დაიბარეს.

დეპუტატები ეკატერინე ტიკარაძეს ჯანდაცვისა და სოციალურ საკითხთა კომიტეტზე ელოდებოდნენ.

ეკატერინე ტიკარაძემ კომიტეტის სხდომის გადადებას მოითხოვა. მინისტრი მზად არის პარლამენტში მივიდეს თუმცა სხვა დროს.