"თავისუფლება მქონდა, მაგრამ შემდეგ ივანიშვილს აღარ მოეწონა რაღაცები" - კვირიკაშვილი
მე როცა ვიყავი პრემიერი საკმაოდ დიდი ხარისხის თავისუფლება მქონდა ბიძინა ივანიშვილისგან მოცემული რაღაც პერიოდში, მაგრამ რაღაც პერიოდში მას აღარ მოეწონა რაღაცეები – ამის შესახებ, საქართველოს ყოფილმა პრემიერ-მინისტრმა, გიორგი კვირიკაშვილმა განაცხადა.
როგორც კვირიკაშვილმა აღნიშნა, ერთპიროვნული მმართველობა არსად არ არის დადებითი და ძალიან სწორი იქნება თუ შეიქმნება ისეთი კოალიცია, სადაც განსხვავებული აზრიც იქნება და აზრთა ჭიდილიც.
გავრცელებულ ინფორმაციას, დამოუკდებელი დეპუტატების პარტიასთან კონსულტაციების თაობაზე კვირიკაშვილი არ ადასტურებს და აცხადებს, რომ აქტიურ პოლიტიკაში დაბრუნებას არ გეგმვას.
“პოლიტიკური კონსულტაციები არავისთან არ მაქვს. მაქვს მეგობრული შეხვედრები და მგონია, რომ ეს დამოუკიდებელი, მესამე მიმართულება არის ძალიან კარგი ქვეყნისთვის. ერთპიროვნული მმართველობა არსად არ არის დადებითი. ძალიან სწორი იქნება თუ შეიქმნება ისეთი კოალიცია, სადაც განსხვავებული აზრიც იქნება და აზრთა ჭიდილიც. დგება მომენტი, რომ რაღაც უნდა შეიცვალოს ამ ქვეყანაში.
მე როცა ვიყავი პრემიერი, საკმაოდ დიდი ხარისხის თავისუფლება მქონდა ბიძინა ივანიშვილისგან მოცემული, რაღაც პერიოდში, და რაღაც პერიოდში მას აღარ მოეწონა რაღაცეები, როგორც ყველამ იცის უკვე ყველაფერი, ის ჩაერია ძალიან აქტიურად უკვე და დაბრუნდა პოლიტიკაში. ახლა ძალიან ცდილობენ გააფორმონ, რომ მანამდე დაიქცა ქვეყანა და მერე გამოსწორდა ყველაფერი,” – განაცხადა კვირიკაშვილმა "ტვ პირველის" ეთერში.
რაც შეეხება "იუნისეფის" კვლევას, კვირიკაშვილის განცხადებით, მისი თანამდებობიდან გაშვების მიზეზად აღნიშნული კვლევის დასახელება "მთლად სერიოზული არ არის".
სიახლეები
- შინაგან საქმეთა მინისტრმა საპარლამენტო არჩევნების უსაფრთხო და მშვიდ გარემოში ჩატარების უზრუნველსაყოფად შესაბამისი ბრძანება გამოსცა
- ,,პრეზიდენტმა ვერ გაბედა, რომ ლგბტ პროპაგანდის საწინააღმდეგო კანონისთვის ვეტო დაედო"- გიორგი კახიანი
- სახალხო დამცველი ცესკოს მოუწოდებს, ოკუპირებულ ტერიტორიებზე რეგისტრირებულ საქართველოს მოქალაქეებს არჩევნებში მონაწილეობის შესაძლებლობა მიეცეს
- გორი – რუისის გზის მონაკვეთზე ავტოსაგზაო შემთხვევას მსხვერპლი მოჰყვა
- ,,როგორც ევროკავშირმა, ჩვენ ნათლად გამოვხატეთ, რომ მზად ვართ, ვიმუშაოთ საქართველოს ნებისმიერ მთავრობასთან, რომელიც აირჩევა 26 ოქტომბრის არჩევნების შემდეგ"- პაველ ჰერჩინსკი