“სამსახურში არ მივიღე, მისი ინტელექტი არ შეესაბამებოდა რიგითი ოპერის ინტელექტსაც კი” - ოქრუაშვილი ღარიბაშვილზე
”არაფრისმომცემი და სისულელე”, – ასე აფასებს თავდაცვის მოქმედი მინისტრის დღევანდელ განცხადებებს თავდაცვის ყოფილი მინისტრი.
ირაკლი ოქრუაშვილი ამბობს, რომ ირაკლი ღარიბაშვილი რეალობას არის აცდენილი. ოქრუაშვილმა მისი შს მინისტრობის პერიოდი გაიხსენა და აღნიშნა, რომ მაშინ მან ღარიბაშვილი სამსახურში ინტელექტის არქონის გამო არ მიიღო:
”ღარიბაშვილი ერთხელ მომიყვანეს გარკვეული რეკომენდაციით. მას სურვილი ჰქონდა, რომ ქალაქის პოლიციაში რიგით ოპერად დაეწყო მუშაობა და არ მივიღე მაშინ იმიტომ, რომ მისი ინტელექტი არ შეესაბამებოდა რიგითი ოპერის ინტელექტს და მოთხოვნებსაც კი” – განაცხადა ოქრუაშვილმა “დღის სტუმარში” საუბრისას.
შეგახსენებთ, ირაკლი ღარიბაშვილმა დღეს “მინისტრის საათის” ფორმატში, საპარლამენტო ტრიბუნიდან სიტყვით გამოსვლისას პოლიტიკურ ოპონენტებს დესტრუქციული ძალა უწოდა და თქვა, რომ ისინი შეიარაღებული ძალების და თავდაცვის სამინისტროს ხელმძღვანელობის იმიჯის შელახვას მიზანმიმართულად ცდილობენ.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
