"ვიცით, რით დასრულდა ამ ორი ადამიანის მოღვაწეობა საქართველოში" - კობახიძე
სააკაშვილისა და ადეიშვილის დროს სასამართლო გახდა რეკეტის, რეპრესიების, წამებისა და ზეწოლის ინსტრუმენტი, თუ ეს შედეგი უნდა ზელენსკის, მაშინ „საიმედო ხელშია“ უკრაინული მართლმსაჯულება, - ამის შესახებ, საპარლამენტო უმრავლესობის წევრმა ირაკლი კობახიძემ განაცხადა.
პარლამენტის ყოფილი თავმჯდომარე ამ განცხადებით, კიევში, უკრაინის სასამართლო რეფორმის საკითხზე მიხეილ სააკაშვილისა და ზურაბ ადეიშვილის მონაწილეობით გამართულ შეხვედრას გამოეხმაურა.
მისი თქმით, ჩვენ უკრაინულ სახელმწიფოს უსურვებს, რომ არ განმეორდეს ის შედეგები, რაც ძალიან მძიმედ გვახსოვს მათი ცხრაწლიანი მოღვაწეობიდან საქართველოში.
"ჩვენ ვიცით, რით დასრულდა ამ ორი ადამიანის მოღვაწეობა განსაკუთრებით, მართლმსაჯულებასთან დაკავშირებით. ეს იყო მართლმსაჯულების სრული კონტროლი აღმასრულებელი ხელისუფლების, კონკრეტულად, იუსტიციის სამინისტროს მხრიდან და გარდა კონტროლისა, სასამართლო მაშინ გახდა რეკეტის, რეპრესიების, ადამიანების წამების და ადამიანებზე ზეწოლის ინსტრუმენტი. თუ ეს შედეგი უნდა ზელენსკის, ამ შემთხვევაში, "საიმედო ხელშია" უკრაინული მართლმსაჯულება. ჩვენ უკრაინულ სახელმწიფოს ვუსურვებთ, რომ არ განმეორდეს ის შედეგები, რაც ძალიან მძიმედ გვახსოვს ჩვენ მათი 9-წლიანი მოღვაწეობიდან საქართველოში“, - განაცხადა კობახიძემ.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
