"ძალადობრივი რეჟიმის შემოქმედი ვერ გამოსწორდება" -სოფო კილაძე
უმძიმეს დანაშაულებს რომ შეცდომის დონეზე ჩამოაქვეითებ, ამას ხალხში დადებითი კი არა, უფრო უარყოფითი რეაქციები მოჰყვება და ძალიან სამართლიანად,
- ამის შესახებ ადამიანის უფლებათა დაცვის კომიტეტის თავმჯდომარე სოფო კილაძემ პარლამენტის საშემოდგომო სესიის პლენარულ სხდომაზე სიტყვით გამოსვლისას განაცხადა, რითაც საქართველოს ყოფილი პრეზიდენტის, მიხეილ სააკაშვილის მიერ ქართველი ხალხისთვის ბოდიშის მოხდას გამოეხმაურა.
„დაახლოებით თვენახევრის წინ, სალომე სამადაშვილს ვეუბნებოდი, ბოდიში მაინც მოიხადეთ მეთქი იმ უბედურებების გამო, რაც ქვეყანას და ხალხს დამართეთ და ეტყობა ჭკუაში დაუჯდათ. ვნახეთ სააკაშვილის კლიპი, სადაც ის აანონსებდა ბოდიშს მძიმე შეცდომებისთვის და ჩამოსვლას. უბრალოდ ერთი რამ ვერ გათვალეს - უმძიმეს დანაშაულებს რომ შეცდომის დონეზე ჩამოაქვეითებ, ამას ხალხში დადებითი კი არა, უფრო უარყოფითი რეაქციები მოჰყვება და ძალიან სამართლიანად. ამ კლიპის შემხედვარე ვიფიქრე, რომ როგორც „ყორანი არ გათეთრდება“ და „კუდი ძაღლისა არ განიმართება“, ისე ძალადობრივი და დანაშაულებრივი რეჟიმის შემოქმედები, მაღალი თუ დაბალი რგოლი, ვერ გამოსწორდება და ვერ ჩადგება ქვეყნის სამსახურში. ძალიან სამწუხაროა, რომ გვყავს ოპოზიციის ასეთი ნაწილი, რომელიც ღირსეულ ოპონირებას ვერასდროს გაუწევს ხელისუფლებას, რომელიც ხელისუფლებაში მოვიდა სწორედ ადამიანის უფლებების მნიშვნელოვანი რეფორმებით და აგრძელებს ამ რეფორმას“,-განაცხადა კილაძემ.
სიახლეები
- "საქართველოს პატარა ტოსკანა" - VOGUE კახეთზე სტატიას აქვეყნებს
- "ისრაელი რეგიონულ კონფლიქტებს ოკუპაციის გასამართლებლად იყენებს" - ერდოღანი
- "ისრაელს არანაირი გარანტიები არ მოუცია, რომ ირანის ბირთვულ ობიექტებს არ დაარტყამს" - CNN
- "ჩვენი ამოცანაა გარანტირებული იყოს უკრაინისთვის მყარი მშვიდობა, გრძელვადიანი უსაფრთხოება" - ზელენსკი
- თბილისის საპატიო მოქალაქის წოდება 25 ადამიანს მიენიჭა