"ვიქნები პრემიერ-მინისტრი არა სრული ვადით, არამედ მაქსიმუმ 2 წელიწადი" - სააკაშვილი
"ნაციონალური მოძრაობისა" და "ძალა ერთობაშიას" პრემიერმინისტრობის კანდიდატის მიხეილ სააკაშვილის განცხადებით, ის მზად არის შეთავაზებას დათანხმდეს.
სააკაშვილი აცხადებს, რომ პრემიერ-მინისტრი იქნება არა სრული ვადით, არამედ მაქსიმუმ 2 წელიწადი.
„მინდა შეცდომებისთვის მოგიხადოთ კიდევ ერთხელ ყველას გულწრფელი ბოდიში, მაგრამ ბოდიში არ კმარა, მთავარი არა ბოდიში, მთავარია შეცდომების გამოსწორება. მინდა გვქონდეს და მოგვეცეს შეცდომების გამოსწორების საშუალება. "ნაციონალურმა მოძრაობამ“ და მთელმა რიგმა სხვა ადამიანებმა დააყენეს საკითხი იმისა, რომ მე გავხდე საქართველოს მთავრობის ხელმძღვანელი, საქართველოს პრემიერ-მინისტრი. მე ამაზე ბევრს ვფიქრობ და მზად ვარ ვიტვირთო ეს ფუნქცია არა იმისთვის, რომ ხელისუფლებაში მოვიდე და ხელისუფლება მენატრება. ნამდვილად არ მენატრება და მინდა, გითხრათ რომ ვიქნები პრემიერ-მინისტრი არა სრული ვადით, არამედ მაქსიმუმ 2 წელიწადი. ეს ორი წელი იქნება საკმარისი, რომ ქვეყანა ამოვათრიოთ ჭაობიდან და ძალიან სწრაფად წავიდეთ წინ. ამაში ვარ დარწმუნებული“ - განაცხადა მიხეილ სააკაშვილმა.
სიახლეები
- ქათმის სტეიკი
- "მათგან „პოლიტიკურად ქალწული“ არავინ არ არის, ვინ ვისთან არ არის ნამყოფი და რა კონფიგურაციით - ამდენს რას ფიქრობენ გაერთიანების გადაწყვეტილების მისაღებად, რომ საშველი არ დააყენეს, ვერაფრით ვხსნი " - იაგო ხვიჩია ოპოზიციაზე
- ვლადიმერ პუტინი ვიქტორ ორბანს ხვდება
- მევიოლინე ლიანა ისაკაძე გარდაიცვალა
- " ის, რომ „ქართულმა ოცნებამ“ ბუქარესტის დეკლარაციას მხარი არ დაუჭირა, ქვეყნის ღალატის ტოლფასია "- თინა ბოკუჩავა