ნათელაშვილი აშშ-ის სახელმწიფო დეპარტამენტს რუსეთისთვის სანქციების დაწესებას თხოვს
შალვა ნათელაშვილმა რუსეთის ყოფილი საელჩოს ტერიტორიასთან რუსული ოკუპაცია გააპროტესტა.
„ლეიბორისტული პარტიის“ თავმჯდომარემ, რუსეთის პრეზიდენტ ვლადიმერ პუტინის ადმინისტრაციას მიმართვა ორ – ქართულ და რუსულ ენებზე გაუგზავნა.
შალვა ნათელაშვილმა ასევე მიმართა აშშ-ის კონგრესსა და სახელმწიფო დეპარტამენტს, მან საქართველოს სტრატეგიულ პარტნიორს მოუწოდა, რუსეთის წინააღმდეგ სანქციები აამოქმედოს.
„რუსეთი მობილიზებულია, ჩაერიოს უახლოეს საარჩევნო პროცესებში, თავიანთი, საკუთარი ოლიგარქიული რეჟიმის დასატოვებლად. მობილიზებულია სპეცსამსახურები, ხელისუფლების სათანადო სტრუქტურები, პრეზიდენტ პუტინის ადმინისტრაცია, მილიონობით ფული და ეს ყველაფერი იმისთვის, რომ სამუდამოდ გაანადგურონ ქართული სახელმწიფოებრიობა, რის საშუალებასაც მას დღევანდელი და მომავალი თაობა არ მივცემთ და ამას ვაცხადებთ აქ, მათივე საელჩოს ნარჩენებთან. დღეს ჩვენ იძულებულები გავხდით, გაგვეგზავნა მოთხოვნა აშშ-ის სახელმწიფო დეპარტამენტში, კონგრესსა და სენატში, რათა საქართველოში არჩევნების პროცესში ჩარევისთვის რუსეთის ფედერაციას დაედოს საერთაშორისო სანქციები. იმედია, სანქციების საფრთხე და რეალობა აიძულებს პრეზიდენტ პუტინის ადმინისტრაციას, თავი დაგვანებოს, ოკუპაცია დაამთავროს და დაიწყოს იმ თანამშრომლობაზე ფიქრი, რომლებიც ჩვენი ორივე ხალხის საერთო ინტერესებშია. ჩვენი ხალხების ინტერესებშია მშვიდობა, ერთმანეთთან მისვლა-მოსვლა, ბიზნესის განვითარება, უვიზო რეჟიმი, დიპლომატიური ურთიერთობების აღდგენა, მაგრამ ეს მხოლოდ მას შემდეგ, რაც აღდგება საქართველოს ტერიტორიული მთლიანობა, მას შემდეგ, რაც საქართველოს იურისდიქცია გავრცელდება ფსოუში, ჯავაში, ცხინვალში, როგორც ამას მოითხოვს გაერო-ს წესდება და მსოფლიო თანამეგობრობა," - განაცხადა შალვა ნათელაშვილმა.
სიახლეები
- ნიკა მელიას 8-თვიანი პატიმრობა მიესაჯა
- მწვანე ლობიო ნიგვზით
- “გელათში აშენდა დროებითი კონსტრუქცია, რომელიც ტაძარს ნებისმიერი ნალექისგან დაიცავს, ეს გვაძლევს უნიკალური ფრესკებისა და მოზაიკის კონსერვაციის საშუალებას” - ირაკლი კობახიძე
- კლინიკაში გარდაიცვალა 64 წლის კაცი, რომელსაც სოფელ რუისპირში პოლიციელის ბრმა ტყვია მოხვდა
- ნიკა მელიას 8-თვიანი პატიმრობა მიესაჯა