"მიხეილ სააკაშვილს საარჩევნო კამპანიაში მონაწილეობა ეკრძალება" - ელენე ნიჟარაძე
მიხეილ სააკაშვილი უცხო ქვეყნის მოქალაქეა და მას, საარჩევნო კოდექსით, საარჩევნო კამპანიაში მონაწილეობა ეკრძალება, – ამის შესახებ „სამართლიანი არჩევნების“ (ISFED) აღმასრულებელმა დირექტორმა, ელენე ნიჟარაძემ ჟურნალისტებს განუცხადა.
მისივე განცხადებით, ამ საკითხზე რეაგირება საარჩევნო ადმინისტრაციამ უნდა მოახდინოს.
„ანგარიშში საუბარი იყო საარჩევნო კამპანიაში არაუფლებამოსილი პირების მონაწილეობის ფაქტებზე. ერთ-ერთი შეეხებოდა მიხეილ სააკაშვილს. ის არის უცხო ქვეყნის მოქალაქე და საარჩევნო კოდექსით, უცხო ქვეყნის მოქალაქეებს საარჩევნო პროცესში მონაწილეობა ეკრძალებათ. ამის მიუხედავად, ყოფილი პრეზიდენტი აქტიურად არის ჩართული ოპოზიციის სასარგებლოდ. შესაბამისად ასეთ შემთხვევაში, ეს შედის საარჩევნო ადმინისტრაციის უფლებამოსილებაში, რომ ასეთ ფაქტებზე რეაგირება მოახდინოს”, – განაცხადა ნიჟარაძემ.
მისივე თქმით, მსგავს ქმედებებზე რეაგირება ჯარიმის დაკისრებას ითვალისწინებს.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
