„მე არ უნდა მიხაროდეს, რომ ჩემს მთავრობას რაღაც ეშლება და არ უნდა ველოდებოდე, როდის ჩავარდება ორმოში“ – გოჩა მაჩაიძე
„არასდროს ვიქნები კაცის კაცი… არც არასდროს ვყოფილვარ… მე ჩემი პრინციპები და შეხედულებები მაქვს“ – ასე უპასუხა ჟურნალისტის შეკითხვას პოლიტიკური მოძრაობა „სოციალური სამართლიანობისთვის“ ერთ-ერთმა ლიდერმა, ვეტერანმა ფეხბურთელმა გოჩა მაჩაიძემ ნაძალადევის რაიონის მოსახლეობასთან შეხვედრისას.
მისი განმარტებით, პარტიის გამარჯვების შემთხვევაში, ის იქნება „ხმა მღაღადებლისა პარლამენტსა შინა“
„დღეს შევხვდით ხალხს, რომელთაც ყოფითი პრობლემები აქვს და 89 წლიდან მოყოლებული ელოდებიან მათ გადაწყვეტას. შეიძლება, ვიღაც ფიქრობს, რომ მოვა „კაი ყმა“ და მათაც ეშველებათ, მაგრამ ეს ზღაპარია. ყველა პრობლემა ხალხის გადასაჭრელია. მე, იცით, რატომ გადაწყვიტე პოლიტიკაში წასვლა, თან ამ ასაკში? ადრე ვთვლიდი, რომ პოლიტიკისთვის ძალიან ადრეა, რომ ეს საქმე პოლიტოლოგებმა, ეკონომისტებმა და ზოგადად, სფეროს სპეციალისტებმა უნდა აკეთონ, მაგრამ… რომ დავაკვირდი, მოდიან და მიდიან არაფრისმთქმელი სახელები და გვარები, ისეთები, რომლებსაც არავინ იცნობდა და არც არავინ იცნობს. იყვნენ ვიღაცის ვიღაცები, კაცების კაცები… მე არ ვიქნები ასეთი პოლიტიკოსი. მე ვერ ვიქნები კაცის კაცი… ასე ფიქრობს მოძრაობის თამვჯდომარეც – მამუკა ტუსკაძე. ჩვენ ვთვლით, რომ უნდა ვითანამშრომლოთ ერთმანეთთან, ყველასთან… ჩვენ ვერ ვიქნებით ჩასაფრებული ოპოზიცია, ვერ გაგვიხარდება, რომ ადამიანს შეეშალა რაღაც. იმას რომ ეშლება, ეს უკვე ცუდია და მე ეს არ უნდა მიხაროდეს. არ უნდა გავბედნიერდე იმით, რომ რომ ჩემს მთავრობას რაღაც ეშლება და არ უნდა ველოდებოდე, როდის ჩავარდება ორმოში, რომ იქნებ ჩემი დროც დადგეს. ნეტა უკეთესად წავიდეს ყველაფერი, რომ საყვედურის თქმა არასდროს არავისთვის დამჭირდეს. მაგრამ თუ დამჭირდა, ვერავინ ვერ გამაჩერებს. არის ბიბლიაში ასეთი გამონათქვამი „ხმა მღაღდებლისა უდაბნოსა შინა“… მე ვიქნები ხმა მღაღადებლისა პარლამენტსა შინა… "- აღნიშნა გოჩა მაჩაიძემ.
(NS)
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
