ირაკლი კობახიძე: მედიის უპასუხისმგებლო ქმედებები სისხლის სამართლის დანაშაულის ნიშნებს შეიცავდა
პრობლემაა, თუ როგორ იქცევიან კონკრეტული უპასუხისმგებლო პოლიტიკოსები და უპასუხისმგებლო მედიასაშუალებები, - ამის შესახებ „ქართული ოცნება-დემოკრატიული საქართველოს“ აღმასრულებელმა მდივანმა, ირაკლი კობახიძემ ბრიფინგზე განაცხადა, სადაც ზუგდიდში მიმდინარე მოვლენებს გამოეხმაურა.
ირაკლი კობახიძის თქმით, ზუგდიდში მიმდინარე მოვლენებზე კონკრეტული პოლიტიკოსებისგან გაკეთდა ისეთი განცხადებები, რაც პოლიტიკური ქულების დაწერას ემსახურებოდა.
„მთავარი პრობლემა არის ის, რომ მძევლები არიან გასათავისუფლებლები. დამატებით, ასევე მნიშვნელოვანი პრობლემაა ის, თუ როგორ იქცევიან კონკრეტული უპასუხისმგებლო პოლიტიკოსები და უპასუხისმგებლო მედიასაშუალებები. 10-ზე მეტი განცხადება იყო პოლიტიკოსების მხრიდან. ეს იყო პოლიტიკური ქულების დაწერის მცდელობა, რაც ასეთ ვითარებაში გამაოგნებელია. რაც შეეხება მედიასაშუალებებს, იყო უპასუხისმგებლო ქმედებები და კონკრეტული ქმედებები სისხლის სამართლის დანაშაულის ნიშნებსაც კი შეიცავდა. ამას გეუბნებით როგორც იურისტი“, - განაცხადა ირაკლი კობახიძემ.
შეგახსენებთ, ქალაქ ზუგდიდში, ზვიად გამსახურდიას გამზირზე მდებარე ერთ-ერთ ბანკში შეიარაღებული პირის შეიჭრა. შეიარაღებულ თავდამსხმელს 19 პირი ჰყავს მძევლად აყვანილი.მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.
სიახლეები
- სომხეთი აშშ-სთან ერთად ატომური სადგურის აშენებას გეგმავს
- შსს-მ ბათუმში პარაშუტის ჩამოვარდნასთან დაკავშირებით, რა დროსაც ერთი ადამიანი დაიღუპა, ერთი კი დაშავდა, გამოძიება დაიწყო
- "მშვიდობის მეორე სამიტს რუსეთის წარმომადგენლები უნდა დაესწრონ, მაგრამ არ ვარ დარწმუნებული, რომ ეს პუტინი იქნება " - ზელენსკი
- "ხელისუფლება თუ არ შევცვალეთ, ძალიან დიდი პრობლემები ელოდება საქართველოს სახელმწიფოს და საქართველოს მოქალაქეს"
- კრემლი ფსონს კალაძეზე დებს? - რატომ დაიწყო რუსულ მედიაში საუბარი თბილისის მერის მოსალოდნელ პრემიერობაზე