"ჩვენ ის პარტია ვართ, რომელსაც ვერც ერთი მთავრობა კომპრომატების ენით ვერ დაელაპარაკება. ჩვენ ვართ ახალი სახეები, ახალი ძალა და ახალი ენერგია. ჩვენი გასაკეთებელი ჩვენ, ყველამ უნდა გავაკეთოთ. ამიტომ არიან ჩვენ გვერდით ისეთი ადამიანები, როგორებიც არიან, მაგალითად, ლეგენდარული ფეხბურთელები გოჩა მაჩაიძე და მანუჩარ მაჩაიძე, რომლებმაც ჩვენი ქვეყნის სახელი მსოფლიოს გააცნეს. ჩვენ ის ხალხი ვართ, ვინც შევძლებთ, არსებული მდგომარეობა ხალხისვე მხარდაჭერით შევცვალოთ და ქვეყანა გადავარჩინოთ," – აღნიშნა გიორგი შერვაშიძემ ჩვენთან საუბარში.

პოლიტიკური მოძრაობა «სოციალური სამართლიანობისთვის» ლიდერები რეგიონებში მოსახლეობასთან შეხვედრას განაგრძობენ. უახლოესი დღების შეხვედრების განრიგი კი ასე გამოიყურება:  22 ოქტომბერი – ქუთაისი  ნიუპორტის ქ.11 სასტუმრო “რერო“ 13:00 საათი; 23 ოქტომბერი – ბათუმი ნინოშვილის 1  სასტუმრო „შერატონი“ 12: 00 საათი; 24 ოქტომბერი, ზუგდიდი, დადიანების სასახლის მიმდებარე კოსტავას ქ. 2/116 13:00 საათი.

(NS)