„ეს არ არის ჩვეულებრივი არჩევნები, ეს არის არჩევნები ქვეყნის მომავლისთვის“ – შორენა ახალაია
„ბევრი ვიშრომეთ და ისე მოვედით თქვენამდე, მზად ვართ, დავრჩეთ თქვენთან და ვიყოთ თქვენი ხმა პარლამენტში“ – პოლიტიკური მოძრაობა „სოციალური სამართლიანობისთვის“ გენერალური მდივანი, შორენა ახალია ამომრჩევლებს მხარდაჭერისკენ მოუწოდებს. მისივე განმარტებით, ეს არის არჩევნები ქვეყნის მომავლისთვის.
„თქვენ კარგად ხედავთ, რომ პოლიტიკურ ველზე, ერთი მხრივ, არის ძალა, რომელსაც აქვს ძალიან მძიმე პოლიტიკური წარსული და მეორე მხრივ, ხელისუფლება, რომელმაც თავისივე არაჯანსაღი, არაგონივრული მიდგომით გაუჩინა აღნიშნულ ხალხს ამბიცია, ისევ დაბრუნდნენ პოლიტიკაში. ჩვენ გთავაზობთ ალტერნატივას – ახალ ძალას სასიკეთო ცვლილებებისთვის. ბევრი ვიშრომეთ და ისე მოვედით თქვენამდე. მზად ვართ, დავრჩეთ თქვენთან და ვიყოთ თქვენი ხმა პარლამენტში. ამისთვის გვჭირდება მანდატები, გვჭირდება მეტი ბერკეტი. უნდა გავაცნობიეროთ, რომ ეს არ არის ჩვეულებრივი არჩევნები, ეს არის არჩევნები ქვეყნის მომავლისთვის,“ – განაცხადა შორენა ახალაიამ.
ცნობისთვის, პოლიტიკურმა მოძრაობამ „სოციალური სამართლიანობისთვის“ აქცია 28 ოქტომბერს, 19:00 სთ-ზე ყველა რეკომენდაციის დაცვით გამართა. აქცია სიმბოლურ ხასიათს ატარებდა. პარტიის წევრებს აღმოსავლეთ და დასავლეთიდან ჩამოსული მხარდამჭერებიც შემოუერთდნენ.
(NS)
სიახლეები
- „ქართული ოცნება“ ეუთო-ს საპარლამენტო ასამბლეის რეზოლუციასთან დაკავშირებით განცხადებას ავრცელებს
- "ევროპა რუსულ გათხევადებულ ბუნებრივ აირზეა დამოკიდებული და მის ტრანსპორტირებას ბრიტანული კომპანიები უწყობენ ხელს" - „სქაი ნიუსი“
- უცხოური ვალუტის ოფიციალური კურსი 3 ივლისისთვის
- ვიქტორ ორბანმა ვოლოდიმირ ზელენსკის სასწრაფო ზავის იდეა წარუდგინა
- "აშშ-სგან სანქციებს არ ველოდები" - გია ვოლსკი