"ვერავინ გვიბრძანებს გაყალბებულ პარლამენტში შესვლას"-ნინო ბურჯანაძე
დედამიწის ზურგზე ვერავინ, ვინც დემოკრატიაზე ლაპარაკობს, ვერ გვიბრძანებს პარლამენტში შესვლას, რომელიც არის გაყალბებული და მანიპულირებული,- ამის შესახებ „ერთიანი საქართველოს“ ლიდერმა ნინო ბურჯანაძემ განაცხადა.
მისივე თქმით, ეუთო ოპოზიციის წარმომადგენლებს პარლამენტში შესვლისკენ პირდაპირ არ მოუწოდებს. ბურჯანაძე აცხადებს, რომ ეუთო/ოდირის დასკვნა მოიცავს დარღვევებს და გაკეთებულია მოწოდება, რომ აუცილებელია ამ დარღვევების გამოსწორება.
ნინო ბურჯანაძის განმარტებით, მეორე ტურისა და შემაჯამებელი ოქმის შემდეგ, როცა დადგინდება, რომ შედეგები გამოსწორებას არ ექვემდებარება, ეუთო/ოდირის დასკვნაც უფრო მკაცრი იქნება.
„ეუთო პირდაპირ არ მოგვიწოდებს, რომ პარლამენტში შევიდეს ოპოზიცია – იმ შემთხვევაში, თუ დადასტურდება, რომ არჩევნების შედეგები არ არის გაყალბებული. ეუთო ამბობს თავის მოსაზრებას და იმ დარღვევებით, რომელიც არის საქართველოში, როდესაც არჩევნები დაიწერა და ჩვენ ახლა ვაგროვებთ ათასობით ხელმოწერას ადამიანების, რომლებიც წერენ, რომ კონკრეტულ უბანზე, სადაც ნულია, ადამიანებს ხმები აქვთ მიცემული, წერენ სახელს, გვარს, მისამართს, ტელეფონის ნომერს და დედამიწის ზურგზე ვერავინ, ვინც დემოკრატიაზე ლაპარაკობს, ვერ გვიბრძანებს პარლამენტში შესვლას, რომელიც არის გაყალბებული და მანიპულირებული.
მე არ წამიკითხავს ასეთი პირდაპირი მოწოდება, გინდა თუ არა, შედით პარლამენტშიო. ეუთო/ოდირის დასკვნა, რომელიც იყო დაწერილი და კიდევ უფრო მძიმე დასკვნა იქნება დაწერილი, პირდაპირ მოიცავს იმ დარღვევებს, რა დარღვევებიც იყო ჩამოთვლილი და წერდა, რომ აუცილებელია ამ დარღვევების გამოსწორება. როდესაც მეორე ტურის შემდეგ და შემაჯამებელი ოქმის შემდეგ დადგინდება, რომ ეს შედეგები გამოსწორებას არ ექვემდებარება, გარწმუნებთ ეუთო-ოდირის დასკვნა კიდევ უფრო მკაცრი იქნება“, – განაცხადა ნინო ბურჯანაძემ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი