საგარეო პოლიტიკა აღარ არსებობს. ის მხოლოდ იმაზეა დაყვანილი, რომ საზოგადოებას აღიარების ვითომცდა რაღაც ფორმები მისცენ, [მაგალითად], ხელის ჩამორთმევა ვიღაცასთან - ასევე, ვიზიტები სხვადასხვა ქვეყანაში, საიდანაც არაფერი არ მოდის, არანაირი შინაარსი არ გააჩნია ამ ვიზიტებს, მაგრამ უნდა ითქვას, რომ სადღაც ვიღაც წავიდა და ჩამოვიდა,- ამის შესახებ საქართველოს მეხუთე პრეზიდენტმა, სალომე ზურაბიშვილმა ევროკავშირის წევრი ქვეყნების ელჩებთან და ოპოზიციასთან შეხვედრის დასრულების შემდგომ განაცხადა.
სახელმწიფო ბოლომდე ზრუნავს ყველა პატიმრის ჯანმრთელობის მდგომარეობაზე-გაგრძელდება დაკვირვება და ზრუნვა ყველა პატიმრის ჯანმრთელობაზე, მათ შორის კონკრეტულად მზია ამაღლობელის ჯანმრთელობაზე,- ამის შესახებ პრემიერმა, ირაკლი კობახიძემ „ბათუმელების“ დამფუძნებელ მზია ამაღლობელზე საუბრისას განაცხადა, რომელიც 25-ე დღეა შიმშილობს.
საქართველოს მეხუთე პრეზიდენტი სალომე ზურაბიშვილი ევროკავშირის წევრი ქვეყნების ელჩებს ხვდება.
უკან დასახევი გზა აღარ გვაქვს - ერთად აღვადგენთ სამართლიან წესრიგს და მშვიდობას ქვეყანაში, - ამის შესახებ „გახარია საქართველოსთვის“ განცხადებაშია ნათქვამი.
დღეს, 4 თებერვალს, პარლამენტის საგაზაფხულო სესია ქვეყნის მდგომარეობის შესახებ უმნიშვნელოვანეს საკითხებზე მიხეილ ყაველაშვილის მოხსენებით გაიხსნება.
,,იქნებოდა ეს ჩვენი ექსტრემისტი ოპოზიცია, მასთან დაკავშირებული ე.წ. არასამთავრობო ორგანიზაციები, თუ მათი მოკავშირე უცხო ქვეყნის დეპუტატები, ვინც ხმაურობდა, მათ ყველას სურდა და გადაწყვეტილიც ჰქონდათ, რომ ჩვენი დელეგაციის უფლებამოსილება არ ყოფილიყო აღიარებული”, – ამის შესახებ პარლამენტის ვიცე-სპიკერმა, თეა წულუკიანმა ევროსაბჭოს საპარლამენტო ასამბლეის სესიაში მონაწილეობასა და იქ მიღებულ რეზოლუციაზე საუბრისას გადაცემაში „იმედის კვირა“ განაცხადა.
