ადვოკატი რა ჭირად მჭირდება?! ადვოკატი არსებობს, სასამართლო არსებობს, კანონი არსებობს თუ რა? რამე არსებობს? არაფერი არ არსებობს, შესაბამისად ფარსში მონაწილეობას არ მივიღებ! - ამის შესახებ შსს-ს კრიმინალური პოლიციის დეპარტამენტში გამოკითხვაზე მისულმა თავდაცვის ყოფილმა მინისტრმა ბაჩო ახალიამ განაცხადა.
ძალადობრივ ქმედებას ყოველთვის გმობდა ევროპარლამენტი და პარტნიორები - მე ვარ გადატრიალების მსხვერპლი, როდესაც 1990-1992 წლებში პარლამენტის წევრი ვიყავი. მე ვიცი, რა უბედურებაა ქვეყნისთვის, საკუთარ თავზე მაქვს გამოცდილი, - ამის შესახებ ჟურნალისტებს „ლელო-ძლიერი საქართველოს“ ერთ-ერთმა ლიდერმა, ბადრი ჯაფარიძემ განუცხადა, რითაც უპასუხა კითხვას, როგორ შეაფასებს „ქართული ოცნების“ წარმომადგენლების განცხადებას, რომ დასავლეთი ძალადობას არ გმობს“.
დღესაც გამოვდივართ და ვამბობთ, რომ მზად ვართ მოლაპარაკებებისთვის, გადავტვირთოთ ურთიერთობები, ახალი ფურცლიდან დაიწყოს ეს ყველაფერი. ყველაზე მნიშვნელოვანია, რომ უნდა იყოს მეგობრობაც, პარტნიორობაც ორმხრივი და არა ისე, რომ საქართველო პატარა ქვეყანაა და მოდი გავსრისოთ, – ამის შესახებ თბილისის მერმა, კახა კალაძემ გადაცემაში „იმედი LIVE“ საქართველოსა და ევროკავშირის ურთიერთობების მომავალთან დაკავშირებით განაცხადა.
თბილისის მერი კახა კალაძე მიიჩნევს, რომ სახელმწიფოს მხრიდან არაერთი გაფრთხილების მიუხედავად, 4 ოქტომბერს კონკრეტულმა პირებმა სახელმწიფო გადატრიალების მოწყობა სცადეს, რასაც კანონის ფარგლებში, მკაცრი რეაგირება მოჰყვება.
ბურჭულაძე, ნადირაძე, ზოდელავა, მანჯგალაძე, საქართველოს სიყვარულისთვის ისჯებიან - გამოსავალი ერთია, ხალხის ერთსულოვნება! ნუ ესვრით ტალახს მათ, ვინც ქვეყნისთვის თავგანწირვას ირჩევს! ხელი ჩაკიდეთ ერთმანეთს, ვინც წაბორძიკდა, წამოაყენეთ და ერთად დავიბრუნოთ თავისუფლება! - ამის შესახებ „ნაციონალური მოძრაობის” პოლიტსაბჭოს თავმჯდომარე, ლევან ხაბეიშვილი ციხიდან გამოგზავნილ წერილში წერს.
ამდენი ფული დახარჯა, სრულიად უკონკურენტოდ იყო შესული რეჟიმის მიერ არჩევნებად დარქმეულ ფარსში და ვისი ხმებიც 2024 წლის არჩევნებში აიღო, ისიც 60 პროცენტი დაკარგა. ერთად, „ლელომ“ და გახარიამ დაკარგეს ხმების 60 პროცენტი, – ამის შესახებ პარტია „ფედერალისტების“ ერთ-ერთმა დამფუძნებელმა, თამარ ჩერგოლეიშვილმა „პალიტრანიუსის“ ეთერში განაცხადა.
