საქალაქო სასამართლომ სააკაშვილს და ჯანაშიას, სახელმწიფოს სასარგებლოდ, ბიუჯეტში, ჯამურად, 9 მილიონ ლარამდე თანხის გადახდა დააკისრა
თბილისის საქალაქო სასამართლომ, სახელმწიფო დიდი ოდენობით საბიუჯეტო თანხის, გაფლანგული 9 მილიონი ლარის ამოღებასთან დაკავშირებით, ფინანსთა სამინისტროს მოთხოვნა დააკმაყოფილა და ყოფილ პრეზიდენტს, მიხეილ სააკაშვილსა და სდსს-ს ყოფილ უფროსს, თეიმურაზ ჯანაშიას, სახელმწიფოს სასარგებლოდ ბიუჯეტში, ჯამურად, 9 მილიონ ლარამდე თანხის გადახდა დაავალა.
გადაწყვეტილება თბილისის საქალაქო სასამართლოს მოსამართლე ალექსანდრე გზირიშვილმა მიიღო.
ცნობისთვის, ორივე მსჯავრდებულს ბრალი სისხლის სამართლის კოდექსის 182-ე მუხლის მეორე და მესამე ნაწილით ჰქონდათ წარდგენილი, რაც წინასწარი შეთანხმებით ჯგუფის მიერ სამსახურებრივი მდგომარეობის გამოყენებით, დიდი ოდენობით თანხის მართლსაწინააღმდეგო მითვისებას გულისხმობს.
მიხეილ სააკაშვილს აღნიშნულ საქმეზე 8 წლით თავისუფლების აღკვეთა მიესაჯა, თეიმურაზ ჯანაშიას კი 300 000 ლარიანი ჯარიმა დაეკისრა, რის შემდეგაც, სასამართლოში მათ წინააღმდეგ, გაფლანგული ფულის, რომლის ოდენობაც 9 მილიონ ლარამდეა, ამოღების მიზნით, სახელმწიფომ სამოქალაქო დავა დაიწყო.
სიახლეები
- ,,ბურჭულაძეს სხვა ფუნქცია არ ჰქონდა, გარდა იმისა, რომ რუსეთის სცენებზე მღეროდა"- გია ვოლსკი
- ,,4 ოქტომბრის 20:00 საათისთვის ხელისუფლება რომ არ შეიცვლება, ვფიქრობ, ყველასთვის გასაგებია"- ვახტანგ ძაბირაძე
- ,,ნაცმოძრაობა” და მისი ფილიალები არც არჩევნებისთვის ემზადებოდნენ იმიტომ, რომ იციან, რესურსი არ აქვთ და ვერც ძალადობრივ აქციებს ვერ მოაწყობენ” – გურამ მაჭარაშვილი
- საარჩევნო ადმინისტრაციის ორგანიზებით, უსინათლო ამომრჩევლებთან საინფორმაციო შეხვედრა გაიმართა
- მსხვერპლი მოჰყვა მიჩიგანის შტატში ეკლესიაზე თავდასხმას
