ჩვენ არც არჩევნებში მონაწილეობის კამპანია გვაწყობს, არც ბოიკოტის, ჩვენი თემაა, გავაცოცხლოთ წინააღმდეგობის პლატფორმა, რომელიც ჩამოაყალიბებს გარდამავალ მთავრობას, – ამის შესახებ საქართველოს მეხუთე პრეზიდენტმა, სალომე ზურაბიშვილმა განაცხადა.
ღირებულებითი აღრევა – სულ ესაა, რაც უნდა ვიცოდეთ ბრიუსელის დღევანდელი მდგომარეობის შესახებ, – ასე ეხმიანება ევროპის პარლამენტის მიერ საქართველოსთან დაკავშირებით დღეს მიღებულ რეზოლუციას საქართველოს პარლამენტის თავმჯდომარე შალვა პაპუაშვილი.
,,ბოლო დღეების განმავლობაში მიმდინარეობს აქტიური ცრუ კამპანია, რომ თითქოს სამართალდამცველები მხოლოდ საპროტესტო აქციის მონაწილეებს, ან რომელიმე კონკრეტული პარტიის წარმომადგენლებს ამოწმებენ, რაც საზოგადოების შეცდომაში შეყვანის მორიგი მცდელობაა”,- ამის შესახებ ნარკოლოგიურ შემოწმებასთან დაკავშირებით, შსს-ს მიერ
გავრცელებულ განცხადებაშია ნათქვამი.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ოფიციალური ღირებულება 2.7172 ლარი გახდა. კურსი, რომელიც დღეს მოქმედებდა, 2.7181 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0009 ლარი შეადგინა.
საქართველოს შინაგან საქმეთა სამინისტროს, მიგრაციის დეპარტამენტისა და სამინისტროს შესაბამისი დანაყოფების მჭიდრო კოორდინაციით, ბოლო დღეებში ჩატარებული კომპლექსური ღონისძიებების ფარგლებში, საქართველოდან უცხო ქვეყნის 28 მოქალაქის გაძევება განხორციელდა.
“წინასაარჩევნოდ “კარენოი ნაცებისგან” არ გაგვიგია არაფერი, ხმა არ ამოუღიათ, რომ მოქრთამვას აქვს ადგილი. ე.ი. ფული აიღეს,” – ასე გამოეხმაურა “ქართული ოცნების” წევრი, ირაკლი ზარქუა ,,ლელოსთან” დაკავშირებით “ნაციონალური მოძრაობის” მხრიდან გაკეთებულ განცხადებას.
,,ქართული ოცნების” წევრი ირაკლი ზარქუა, პოლიტიკოს მურმან დუმბაძის იდეას გამოეხმაურა, რომელიც არჩევნების ლოტოტრონით ჩატარებას გულისხმობს.
,,ის იყო აბსოლუტურად სტაბილურ მდგომარეობაში, კონტაქტში შემოდიოდა შეღვიძებისას, გაუმჯობესებული პარამეტრებით, თუმცა, მართვით სუნთქვაზე დავტოვეთ იმიტომ, რომ გადაყვანა უნდოდათ”, – ამის შესახებ პირველი საუნივერსიტეტო კლინიკის კლინიკურმა დირექტორმა ლალი ტურძელაძემ, თორნიკე რიჟვაძესთან დაკავშირებით განაცხადა, რომელიც სამკურნალოდ თურქეთის კლინიკაში გადაიყვანეს.
მოგეწონებოდათ, აშშ რომ ჩარეულიყო ევროკომისიის საქმეებში? – ამის შესახებ ევროპარლამენტის წევრმა, ონდრეი დოსტალმა საქართველოს შესახებ გამართული დებატების დროს სიტყვით გამოსვლისას განაცხადა.
