საქართველოს მესამე პრეზიდენტის, მიხეილ სააკაშვილის ადვოკატის, ნიკა გვარამიას განცხადებით, სააკაშვილს ახალი სიმპტომი - თერმორეგულაციის დარღვევა აქვს.

როგორც გვარამია განმარტავს, ყოფილი პრეზიდენტი დაუყოვნებლივ, რეფერალურ საავადმყოფოში უნდა გადაიყვანონ, რათა მისი გადარჩენა მოხდეს. ადვოკატის თქმით, სააკაშვილს არამხოლოდ საკვების მიღება არ შეუძლია, არამედ, მას უკვე სითხის მიღების პრობლემაც აქვს. გვარამიას თქმითვე, სააკაშვილს არა ამ სიმპტომების მოხსნა, არამედ საზღვარგარეთ საბოლოო განკურნება ესაჭიროება.

„ოჯახის წევრები კიდევ კარგი, რომ ვერ შედიან და ამას ვერ ხედავენ. მას ახალი სიმპტომები აქვს, მე მიწევს ამის გახმოვანება, რადგან ექიმებს შიგნით არ უშვებენ, ეს ახალი სიმპტომებია თერმორეგულაციის მორღვევა, ცივი წყლის დალევისას ეწყება კანკალი, ჩაის დალევისას ეწყება ოფლდენა. შესაბამისად, ახალი პრობლემა დაემატა, თავისთავად ცხადია, სიმპტომია თერმორეგულაციის დარღვევა, ამასთან დაკავშირებით სამედიცინო პერსონალი რას იტყვის, არ ვიცი, მოვისმენთ ალბათ, კომენტარს.

პლიუს ამას, პიკური მდგომარეობა აქვს წნევების, იცით რომ დავარდნილი იყო, ახლა ისევ პიკურ მდგომარეობაშია, არ ვიცი ეს რას ნიშნავს, უბრალოდ სიმპტომებს ვყვები. რაც ძალიან ნიშანდობლივია, მუდმივი სიცხე აქვს, 37-დან 37,5-მდე, რაც, ჩემი აზრით, ცხადყოფს იმას, რომ რაღაც ანთებითი პროცესი მიმდინარეობს ორგანიზმში, არ ვიცით რა, ამას ისე ვამბობ, როგორც სიმპტომს, ექიმებისთვის განსახილველად“, - განაცხადა გვარამიამ.

მისივე თქმით, დღეს, სამუშაო საათებშიც კი, ციხის ექიმი, ნანა მიქავა იქ არ იმყოფებოდა და მძიმე მდგომარეობაში მყოფი სააკაშვილი ექთნის იმედად იმყოფებოდა.

„მის ექიმთან, ნანა მიქავასთან გასაუბრება მოვითხოვე, ამის შესაძლებლობა არ მომეცა, მივმართავ ქალბატონ ნანას, სააკაშვილისთვის კაბინეტში რამის თქმა საკმარისი არ არის, გამოვიდეს და თქვას, რასთან გვაქვს საქმე, რადგან ვიცით, რომ ის მიიჩნევს, რომ აქ მისი მკურნალობა შეუძლებელია და როგორც მინიმუმ, რეფერალურ კლინიკაში უნდა იყოს გადაყვანილი. რეფერალურ კლინიკას რაც შეეხება, პირადად ჩემი დამოკიდებულებაა, რომ ექიმების დასკვნებიდან გამომდინარე, ის უნდა იყოს რეფერალურ კლინიკაში დაუყოვნებლივ გადაყვანილი, მოხდეს მისი მძიმე მდგომარეობის კონსერვაცია, იქ მას შეიძლება სიმპტომები მოეხსნას, მაგრამ იქ მას ვერ უმკურნალებენ. რეფერალურ კლინიკაში გადაყვანას საზღვარგარეთ გადაყვანის ალეტრნატივად არ მივიჩნევთ, რეფერალური კლინიკა მას მოუხსნის სიმპტომებს და მარტივად, რომ ვთქვათ, ის ხვალ არ მოკვდება. იმის შანსი, რომ ის საქართველოში გამოჯანმრთელდეს, არ არსებობს.

მე ხვალაც მოვითხოვ, ქალბატონ ნანა მიქავასთან გასაუბრებას, ამის უფლება, მე როგორც ადვოკატს, მაქვს. დღეს გვითხრეს, რომ ის აღარ არის კლინიკაშიო, წარმოიდგინეთ, ამ მდგომარეობაში მყოფი პაციენტია და უკვე ექიმი აღარ არის და იყო ექთანი, ჩვეულებრივი საფერშლო პუნქტია, სკოლაში იოდს და „ზილიონკას“, რომ გვისვამდნენ ფეხს თუ გადავიტყავებდით და წავიქცეოდით, ზუსტად ეს მდგომარეობა არის ამ ციხეში. ექიმი, რომელიც სააკაშვილთანაა, ის აქ არ არის არც მუდმივად, არც ღამე და დღეს მითხრეს, რომ უკვე 17:00 საათზეც აღარ იყო. მივმართავ ციხის ადმინისტრაციასაც და ქალბატონ ნანა მიქავასაც, ამასთან დაკავშირებით, ხვალ გამესაუბროს, ამის მოთხოვნის და გასაუბრების უფლებაც მაქვს, ასევე გააკეთოს საჯარო განცხადებები სააკაშვილის ჯანმრთელობაზე და მკურნალობასთან დაკავშირებით, როგორ ხედავს პერსპექტივას და ხედავს აქ თუ არა.

დღეს მიხეილ სარჯველაძემ თქვა, პოლიტიკური საფუძვლით გადაწყვეტილებებს არ ვიღებთ და სამართლებრივი საფუძველი არ არსებობსო. ჩახედოს ბატონმა სარჯველაძემ ყველა პროცესზე რა შუამდგომლობები დგება დაცვის მხარის მხრიდან 191-ე პრიმა მუხლით და დღეს უკვე, ყველა განცხადება, სასჯელის გადავადებასთან, მკურნალობის შეცვლასთან დაკავშირებით შესულია. ახლა მაინტერესებს ბატონი სარჯველაძე რას იტყვის, რომელიც ადამიანის უფლებათა კომიტეტის თავმჯდომარეა და რომელიც თავის დროზე იყო კარგი ადამიანი, იმედის მომცემი იურისტი, დღეს, რად ჩამოყალიბდა, ვხედავთ. ახლა მაინტერესებს, მისი პასუხი რა იქნება, იმაზე მაინც გაგვცეს პასუხი, აბსოლუტური უფლება რომ აქვს ციხეში მყოფ პაციენტს ალტერნატიული ექსპერტიზის მოთხოვნის შემთხვევაში, იქ დაშვებული იყოს დაუყოვნებლივ ექსპერტიზა, ეს რატომ არ ხდება, ამაზე გაგვცეს პასუხი ბატონმა სარჯველაძემ, იურიდიულმა და ჯანდაცვის კომიტეტმა“, - განაცხადა გვარამიამ.

მე ვფიქრობ, რომ ეს არის უნიჭოდ დადგმული მორიგი სპექტაკლი - მიხეილ სააკაშვილს სასჯელის მოხდა აუცილებლად მოუწევს,

საქართველოს მესამე პრეზიდენტის მიხეილ სააკაშვილის ოჯახი, ხვალ, მთავრობის ადმინისტრაციასთან საპროტესტო აქციას გეგმავს.

უკრაინელი დეპუტატის კირა რუდიკის განცხადებით, 156-მა ადამიანმა ალყაში მოქცეული მარიუპოლიდან გამოაღწია, მაგრამ 30 ბავშვი „აზოვსტალის“ ფოლადის ქარხანაში რჩება.

ენდოკრინოლოგები ხშირად გვირჩევენ, რომ დილა შვრიის ფაფით დავიწყოთ,რადგან მიიჩნევა,რომ ეს ყველაზე ჯანსაღი საუზმეა. ამის მიზეზი კი ერთია - შვრია გარემოსთან ადაპტირებული პროდუქტია, რომელიც გვეხმარება, თავი ვიგრძნოთ კარგად როგორც შინაგანად, ასევე გარეგნულადაც.

რუსეთის მიერ უკრაინაში შეჭრისა და ფართომასშტაბიანი სამხედრო აგრესიის შემდეგ, რუსეთის ფედერაციის მოქალაქეებს ბევრ ქვეყანაში სანქციები დაუწესდათ სხვა და სხვა მიმართულებით, მათ შორის ქონების შეძენაზე.

უკრაინელმა სამხედროებმა იზიუმთან განლაგებული მტრის კოლონა და საბრძოლო მასალები გაანადგურეს, - უკრაინული მედიის ინფორმაციით, ამის შესახებ ოდესის ოლქის სამხედრო ადმინისტრაციის ხელმძღვანელის წარმომადგენელმა სერგეი ბრაჩუკმა Telegram-ზე განაცხადა.

„უკრაინულმა არტილერიამ იზიუმთან გაანადგურა რუსული კოლონა საბრძოლო მასალებით. მტრის განადგურება მოხდა იზიუმიდან 20 კილომეტრის დაშორებით იმ ტერიტორიაზე, რომელსაც მტერი თავის ზურგის მხარედ თვლიდა", - წერს ბრაჩუკი.

რუსეთი თავისი დამპყრობლური ამბიციებით უკრაინაზე არ გაჩერდება.

უკრაინა გაიმარჯვებს! უკრაინა იქნება თავისუფალი! - ასე მიმართა გაერთიანებული სამეფოს პრემიერ-მინისტრმა ბორის ჯონსონმა უკრაინის უმაღლეს რადას.

მისი თქმით, მიესალმება იმ სიმამაცეს, რომელსაც უკრაინელები იჩენენ მაშინ, როდესაც თავდასხმა ხდება მათ თავისუფლებაზე.

როგორც ბრიტანეთის პრემიერმა აღნიშნა, მისი ქვეყანა გააკეთებს ყველაფერ შესაძლებელს, რათა რუსეთი ანგარიშვალდებული იყოს იმის გამო, რაც მან ჩაიდინა ბუჩაში, ირპინსა და გოსტომელში.

„მე დავდიოდი თქვენი დედაქალაქის საყვარელ ქუჩებში და ვნახე საკმარისი უკრაინელების თავისუფლების შესახებ, იმისთვის, რათა გამეგო, რომ კრემლმა მის გათვლებში ფუნდამენტური შეცდომა დაუშვა, საშინელი შეცდომა. მე ვუთხარი ყველას ვისაც ვიცნობდი, ყველა ვინც მოისმენდა, რომ უკრაინა იბრძოლებს და უკრაინა მართალი იქნება, მაგრამ ჯერ კიდევ იყვნენ ისეთები ვისაც სჯეროდა რუსეთის პროპაგანდის, რომ რუსეთის შეიარაღება იქნებოდა დაუძლეველი ძალა, რომელიც როგორც დანა კარაქში ისე გაივლიდა და კიევი რამდენიმე დღეში დაეცემოდა.

დღეს თქვენ დაამტკიცეთ, რომ ისინი ცდებოდნენ, ყველა ის სამხედრო ექსპერტი ცდებოდა, რომელიც ამბობდა, რომ უკრაინა დაეცემოდა. პუტინის ომის მანქანის ე.წ. დაუძლეველი ძალა უკრაინელების პატრიოტიზმისა და ქვეყნის სიყვარულის უძრავ ობიექტზე დაიმსხვრა. ეს უკრაინის საუკეთესოა დროა, რომელიც მომავალ თაობებს ემახსოვრებათ“,- განაცხადა ბორის ჯონსონმა.