წარმოუდგენელ რისხვას დაიტეხს თავს ბიძინა ივანიშვილი თუ ის სანქცირებულ რუს ოლიგარქებს ეკურკურება, - ამის შესახებ ჟურნალისტებთან „მოქალაქეების" დეპუტატმა ალეკო ელისაშვილმა განაცხადა.
მოლდოვამ დნესტრისპირეთის რეგიონში აფეთქებების სერიის შემდეგ უსაფრთხოების ზომები გააძლიერა. ამის შესახებ ინფორმაციას BBC-ი ავრცელებს.
არაღიარებულ დნესტრისპირეთში რუსეთის ჯარის ოპერატიული ჯგუფები მოყვანილია სრულ საბრძოლო მზადყოფნაში.
პარტია „საქართველოსთვის“ ერთ-ერთი ლიდერი ნათია მეზვრიშვილი აცხადებს, რომ მთავრობის გადაყენება ასეთ კრიზისულ სიტუაციაში, როდესაც ქვეყანა უსაფრთხოების კუთხით რისკების წინაშე იმყოფება, მიზანშეწონილად არ მიაჩნია.
პუტინმა ბრძოლის ველზე თავისი გრანდიოზული ამბიციები ვერ განახორციელა, - ამის შესახებ აშშ-ის პრეზიდენტი ჯო ბაიდენი „ტვიტერზე“ წერს.
დიდი ბრიტანეთის პრემიერ-მინისტრმა ბორის ჯონსონმა პუტინი ნიანგს შეადარა და განაცხადა, რომ არ არის ოპტიმისტურად განწყობილი, რომ რუსეთის ლიდერთან მოლაპარაკება შეიძლება, - ამის შესახებ ინფორმაციას დასავლური მედია ავრცელებს.
საქართველოს ზოგადსაგანმანათლებლო დაწესებულებებში პირველ კლასში რეგისტრაციისა და სკოლაში ჩასარიცხად აუცილებელი დოკუმენტების წარდგენის ვადები შეიცვალა.
განათლების სამინისტროს ინფორმაციით, რეგისტრაციის პირველი ეტაპის მიმდინარეობისას საქართველოს განათლებისა და მეცნიერების სამინისტროსა და პარლამენტის განათლებისა და მეცნიერების კომიტეტის ერთობლივი გადაწყვეტილებით, „ზოგადი განათლების შესახებ კანონში“ შევიდა ცვლილება საქართველოს ზოგადსაგანმანათლებლო დაწესებულებებში დაწყებით საფეხურზე სწავლის დაწყების ასაკთან დაკავშირებით. აღნიშნული ცვლილების გათვალისწინებით 2022-2023 სასწავლო წელს პირველ კლასში დამატებით უნდა განხორციელდეს იმ ბავშვების ჩარიცხვა, რომელთაც 6 წელი 16 სექტემბრიდან 1-ელ ოქტომბრამდე შეუსრულდებათ.
აღნიშნულიდან გამომდინარე, საქართველოს განათლებისა და მეცნიერების მინისტრის 2022 წლის 4 მარტის N221866 ბრძანების მიხედვით პირველკლასელთა რეგისტრაციისა და სკოლაში ჩასარიცხად აუცილებელი დოკუმენტების წარდგენის ვადები შემდეგნაირად განისაზღვრა:
I ეტაპი განხორციელდება 2022 წლის 20 აპრილიდან 28 აპრილის ჩათვლით. ამ პერიოდში სკოლებში დამატებით რეგისტრაციის შესაძლებლობა მიეცემათ სპეციალური საგანმანათლებლო საჭიროების მქონე ბავშვებს, რომლებიც რეგისტრაციის პირველი ეტაპისთვის თავდაპირველად განსაზღვრულ ვადებში ვერ დარეგისტრირდნენ სკოლებში.
I ეტაპზე დასარეგისტრირებელი ბავშვების მშობლებმა განცხადებით უნდა მიმართონ სასურველ საჯარო სკოლას. სკოლის ადმინისტრაცია ბავშვს განათლების მართვის საინფორმაციო სისტემაში (EMIS) დაარეგისტრირებს. სპეციალური საგანმანათლებლო საჭიროების დადასტურების მიზნით, მშობელი სკოლაში შესაბამის მიმართვის ფორმას ავსებს, რის შემდეგაც მულტიდისციპლინური გუნდის მიერ ბავშვის შეფასება და მისი საგანმანათლებლო საჭიროების დადგენა მოხდება. სპეციალური საგანმანათლებლო საჭიროების დადასტურების შემთხვევაში, სკოლა მოსწავლის ჩარიცხვას შესაბამისი დოკუმენტაციის საფუძველზე უზრუნველყოფს. პირველ ეტაპზე დარეგისტრირებული ბავშვების მშობლები სკოლებში დოკუმენტების წარდგენას 2022 წლის 29 აპრილიდან 2022 წლის 6 მაისის ჩათვლით შეძლებენ.
იმ ბავშვების მშობლებს, რომლებსაც არ დაუდასტურდებათ სპეციალური საგანმანათლებლო საჭიროება, საშუალება ექნებათ ბავშვების რეგისტრაცია მომდევნო ეტაპებზე განახორციელონ.
II ეტაპი – მეორე ეტაპზე რეგისტრაცია 10 მაისიდან 20 მაისის ჩათვლით იქნება შესაძლებელი და სკოლაში დარეგისტრირდებიან ის ბავშვები, რომელთა:
ა) და-ძმაც სწავლობს იმავე სკოლაში;
ბ) მშობელი/მეურვე/მზრუნველი იმ საჯარო სკოლის თანამშრომელია;
გ) ოჯახიდან ერთდროულად ორი ან მეტი ბავშვი შედის პირველ კლასში.
ამ ეტაპზე რეგისტრაცია ხორციელდება საჯარო სკოლებში მშობლის/კანონიერი წარმომადგენლის მიერ ჩასარიცხად აუცილებელი დოკუმენტაციის წარდგენის საფუძველზე. რეგისტრაციას უზრუნველყოფს საჯარო სკოლა. აღსანიშნავია, რომ მეორე ეტაპზე დარეგისტრირებული ბავშვების მშობლებმა შესაბამისი დოკუმენტაციის წარდგენა სკოლებში რეგისტრაციისთვის განსაზღვრულ ვადებში უნდა უზრუნველყონ.
III ეტაპი – საყოველთაო რეგისტრაცია - 2022 წლის 24 მაისიდან დაიწყება და 15 ივნისის ჩათვლით გაგრძელდება.
რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 2022 წლის 16 ივნისიდან 30 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.
IV ეტაპი – 2022 წლის 4 ივლისიდან 12 ივლისის ჩათვლით სკოლებში განხორციელდება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა.
მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.
პირველ კლასში ჩასარიცხი დოკუმენტები:
მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას; მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში).
საქართველოს განათლებისა და მეცნიერების სამინისტრო მშობლებს მოუწოდებს ყურადღებით გაეცნონ რეგისტრაციის ვადებსა და პირობებს, რათა ბავშვის სკოლაში შეყვანა დროულად და შეუფერხებლად შეძლონ.
გასულ წელს მქონდა შესაძლებლობა, სამჯერ ვწვეოდი უკრაინას. ერთ-ერთ სტუმრობაზე ჩვენ ვიყავით დონბასში და მაშინ ვთქვი, რომ რუსეთი არ არის მედიატორი, რუსეთი კონფლიქტის მონაწილეა. დღევანდელი სიტუაცია გვიჩვენებს, რომ მართალი ვიყავი, – ამის შესახებ ევროპული საბჭოს პრეზიდენტმა შარლ მიშელმა
განაცხადა მისივე თქმით, დღეს დილით იმყოფებოდა ბოროდიანკაში, რათა საკუთარი თვალით ენახა ადგილზე არსებული ვითარება.„შევხვდი ხალხს და სიტყვები არ მყოფნის, გამოვხატო, რა ვიგრძენი არა როგორც ევროპული საბჭოს პრეზიდენტმა, არამედ როგორც მამამ, როგორც ადამიანმა. ეს არის სისასტიკე, ეს არის სამხედრო დანაშაული და მისი ჩამდენი აუცილებლად უნდა დაისაჯოს და აუცილებლად დაისჯება. მათ უნდა გადაიხადონ საფასური იმისთვის, რაც გააკეთეს უკრაინის ბევრ ქალაქში. ახლა, ისე როგორც თქვენ, მე ვფიქრობ ხალხზე, ჯარისკაცებზე, მშვიდობიან მოქალაქეებზე დონბასში, მარიუპოლში, სხვა ქალაქებში, რომლებიც იბრძვიან საკუთარი სიცოცხლისთვის, საკუთარი სუვერენიტეტისთვის და იბრძვიან ევროპული ღირებულებებისთვის, თავისუფლებისა და დემოკრატიული პრინციპებისთვის“, – განაცხადა შარლ მიშელმა უკრაინის პრეზიდენტ ვოლოდიმირ ზელენსკისთან ერთად გამართულ პრესკონფერენციაზე.
შარლ მიშელის თქმით, ევროკავშირს რაც შეუძლია, ყველაფერს გააკეთებს უკრაინისთვის, რადგან სურთ, უკრაინამ გაიმარჯვოს.
„გამოვიყენებთ ჩვენს ხელთ არსებულ ყველა შესაძლო ინსტრუმენტს. რა თქმა უნდა, ფინანსური მხარდაჭერა ძალიან მნიშვნელოვანია და ამიტომ რამდენიმე კვირის წინ ჩვენ მხარი დავუჭირეთ უკრაინის სოლიდარობის ფონდის შექმნის იდეას. ჩვენ ასევე მჭიდროდ ვთანამშრომლობთ სხვადასხვა საერთაშორისო ორგანიზაციასთან, როგორიცაა საერთაშორისო სავალუტო ფონდი, მსოფლიო ბანკი, რათა მოვახდინოთ ფინანსური მხარდაჭერის მობილიზება და უკრაინას მიეცეს შესაძლებლობა, დაფაროს სოციალური ხარჯები და დაიწყოს ქვეყნის აღდგენის პროგრამა. მსურს, დაგარწმუნოთ, რომ ევროკავშირი თქვენს გვერდით იქნება თქვენი ქვეყნის აღდგენის საკითხში. ასევე, ძალიან მნიშვნელოვანი საკითხია სამხედრო დახმარება. პირველად ისტორიაში, ევროკავშირმა გადაწყვიტა, მიაწოდოს მცირე სამხედრო აღჭურვილობა და ეს გადაწყვეტილება ომის დაწყებიდან ორ დღეში მივიღეთ. მაშინ ჩვენ რამდენიმე საათის განხილვის შემდეგ გადავწყვიტეთ უკრაინისთვის 500 მილიონი ევროს ოდენობის დახმარების აღმოჩენა, როგორც პირველი ტრანში და დღეს უკვე ეს დახმარება 1.5 მილიარდ ევროს შეადგენს“, – განაცხადა შარლ მიშელმა.
მიშელის განმარტებით, მესამე საკითხი არის პოლიტიკური მხარდაჭერა და სურს, გამოხატოს სრული პატივისცემა უკრაინის მთავრობის თავისუფალი და დემოკრატიული გადაწყვეტილების მიმართ ევროკავშირის წევრობაზე განაცხადის შეტანასთან დაკავშირებით.
„ჩვენ რამდენიმე დღეში, უმოკლეს ვადაში მივაწოდეთ ევროკომისიას შესაბამისი გადაწყვეტილება, რასაც ჩვეულებრივ ერთი თვე სჭირდება და ევროკომისიის დასკვნა გვექნება ივნისის ბოლოს. ჩემი პასუხისმგებლობა იქნება ამ საკითხის ევროპული საბჭოს დღის წესრიგში დაყენება. ეს ნიშნავს, რომ ჩვენ გვაქვს პოლიტიკური გადაწყვეტილება და პოლიტიკური დიალოგი, რათა მივაღწიოთ პროგრესს ამ მიმართულებით.
მსურს, გითხრათ, რომ ევროკავშირს კონკრეტული მხარდაჭერის აღმოჩენა შეუძლია თქვენს არჩევანში, რომლითაც მიჰყვებით ევროკავშირში გაწევრიანების გზას, თქვენს მომავალს, რასაც ყოველდღე ავლენთ, რომ ერთგული ხართ დემოკრატიული პრინციპების, თავისუფლებისა და იბრძვით არამარტო უკრაინელი ბავშვების თავისუფლებისთვის, არამედ ევროპის ფუნდამენტური პრინციპებისა და ღირებულებებისთვის. ასევე, ჩვენ მზად ვართ, აღმოგიჩინოთ ჰუმანიტარული დახმარება და დაგეხმაროთ, რომ საერთაშორისო სამართლიაონობამ გაიმარჯვოს, დავეხმაროთ მტკიცებულებების შეგროვებაში მათ, ვინც ამ სფეროში მუშაობს“, – განაცხადა შარლ მიშელმა.
ამავდროულად, შარლ მიშელი ამბობს, რომ მუდმივად მუშაობენ, რათა გაიზარდოს ზეწოლა კრემლზე.
„ჩვენ ასევე განვიხილეთ სანქციები, ჩვენ უნდა გავზარდოთ ზეწოლა რეჟიმზე, კრემლზე ჩვენ დავაწესეთ მრავალი კონკრეტული ზომა, მაგრამ ეს არ არის საკმარისი. ამიტომ ჩვენ გამუდმებით ვმუშაობთ, რათა გავზარდოთ ზეწოლა. დღესაც ჩვენ დეტალურად განვიხილეთ სხვადასხვა ელემენტი, რათა წარვუდგინოთ ევროპულ საბჭოს შესაბამისი წინადადებები და შევინარჩუნოთ კრემლზე მაქსიმალური ზეწოლა. მსურს, კიდევ ერთხელ გითხრათ, რომ თქვენ არ ხართ მარტო, ჩვენ თქვენთან ვართ და გავაკეთებთ ყველაფერს, რაც შეგვიძლია, რომ მხარი დაგიჭიროთ და უკრაინამ მოიგოს ომი“, – აღნიშნა შარლ მიშელმა.
უკრაინის პრეზიდენტი ვოლოდიმირ ზელენსკი ადასტურებს მზაობას, მარიუპოლიდან მშვიდობიანი მოსახლეობისა და სამხედროების გამოსაყვანად, უსაფრთხო დერეფნის უზრუნველყოფის სანაცვლოდ,
