საქართველოს ეროვნული ბანკის მიერ გამოქვეყნებული მონაცემების თანახმად, 14 მაისს ერთი ამერიკული დოლარი 3.0129 ლარი ეღირება, ევრო – 3.1286 ლარი, ხოლო ბრიტანული გირვანქა სტერლინგი – 3.6730 ლარი.
თურქეტის პრეზიდენტი, რეჯეფ თაიფ ერდოღანი აცხადებს, რომ თურქეთი ფინეთისა და შვედეთის ნატო-ში გაწევრიანების მომხრე არ არის.
აუცილებელია, რომ ახალი სამოქალაქო საზოგადოება შევქმნათ. ზემოდან არ იქმნება სამოქალაქო საზოგადოება, თქვენგან უნდა წამოვიდეს - ყველაფრის გადაბრალება პოლიტიკურ პარტიებზე არ გამოვა. კი არის მათი პასუხისმგებლობაც, რომ ვერ მონახეს პოლიტიკური ენა, მაგრამ სამოქალაქო საზოგადოება არ უნდა ითმენდეს და ამის წინააღმდეგ უნდა იყოს მომართული, - ამის შესახებ საქართველოს პრეზიდენტმა სალომე ზურაბიშვილმა ქუთაისში, ეროვნული თანხმობის პროცესის ფარგლებში, სტუდენტებსა და საზოგადოების წარმომადგენლებთან გამართულ შეხვედრაზე განაცხადა.
მისივე თქმით, პოლარიზაციისა და პოლიტიკურ პარტიებს შორის დაპირისპირების გაგრძელება არ შეიძლება.
„მე, როცა პრეზიდენტად ამირჩიეს, გადავწყვიტე რეგიონებში მევლო და ჩვენს საზოგადოებასთან ბევრად უფრო ახლოს ვყოფილიყავი არამხოლოდ თბილისში, არამედ რეგიონებში. ისე მოხდა, რომ ასე დავიწყე, მაგრამ, სამწუხაროდ, ვერ გავაგრძელე. დაიწყო პანდემია, ხელი შეგვეშალა და წელს დავიწყეთ ხელახლა ამ ეროვნული თანხმობის პროცესის ირგვლივ შეხვედრების დაგეგმვა. როცა უნდა ჩავსულიყავით ახალციხეში, დაიწყო უკრაინაში ომი. ამის მიუხედავად, აუცილებელია გავაგრძელოთ ეს პროცესი. მაინტერესებს თქვენი ყველას მოსაზრება. თუ სადმე წარსულში, სამოქალაქო საზოგადოება არსებობდა, ეს არის ქუთაისი. აქ დაიწყო ყველა პოლიტიკური და საზოგადოებრივი მოძრაობა. ჩვენც გვყავს ჩვენი დემოკრატიის მამები, რომლებიც, ძირითადად, ქუთაისიდან იყვნენ და აქ აყალიბებდნენ როგორი უნდა ყოფილიყო ქვეყანა, როგორი დამოუკიდებელი, რა პრინციპების მატარებელი. კანონის უზენაესობა, სამართლიანობა, ყველა ეს პრინციპები, რომელზეც ვდგავართ და დღეს გვინდა გავაძლიეროთ, ეს პრინციპები აქ იწყება, ქუთაისიდან. აუცილებელია, რომ ახალი სამოქალაქო საზოგადოება შევქმნათ. ზემოდან არ იქმნება სამოქალაქო საზოგადოება, თქვენგან უნდა წამოვიდეს. ბევრ ახალგაზრდა სახეს ვხედავ და თქვენი, ახალგაზრდების მოვალეობაა, შეიქმნას ძლიერი სამოქალაქო საზოგადოება, რომელიც ყველაფრისგან დამცველი იქნება. იარსებებს ძლიერი სამოქალაქო საზოგადოება? იარსებებს ყველა ის პრინციპი, რაც ჩამოვთვალე და ქმნის თანამედროვე სახელმწიფოს.
საიდან წამოვიდა ეროვნული თანხმობის იდეა? იქიდან, რომ არ შეიძლებოდა გაგრძელებულიყო პოლარიზაცია და დაპირისპირება. არ შეიძლება რომ გაგრძელდეს, იმიტომ, რომ ჩვენთან ამ პოლარიზაციამ მიიღო მახინჯი ფორმა,.პრაქტიკულად არ არსებობს საკითხი, რომელზეც უცებ არ დაიწყება ეს დაპირისპირება და პოლარიზაცია, რომელიც იღებს საშინელ ფორმებს. ეს არ არის დისკუსია და მოსაზრებების შეჯერება, ეს პირდაპირ გადადის პერსონალურ ლანძღვაზე. ეს არის ის, რაც უნდა შეიცვალოს. ჩვენ არ ვართ შეთანხმებული არც წარსულზე, არც აწმყოსა და არც მომავალზე. ყველაფრის გადაბრალება პოლიტიკურ პარტიებზე არ ვარგა. კი არის მათი პასუხისმგებლობაც, რომ ვერ მონახეს პოლიტიკური ენა, მაგრამ სამოქალაქო საზოგადოება ამას არ უნდა ითმენდეს და ამის წინააღმდეგ უნდა იყოს მომართული, ეს რომ არ დაუშვას ამ საზოგადოებაში“, - განაცხადა სალომე ზურაბიშვილმა.
საქართველოს პრეზიდენტის, სალომე ზურაბიშვილის განცხადებით, ყოფილი პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის საკითხს ვერ შეაფასებს.
გაეროს მსოფლიო სასურსათო პროგრამის ხელმძღვანელი დევიდ ბიზლი რუსეთის პრეზიდენტს, ვლადიმირ პუტინს მოუწოდებს, უკრაინის შავი ზღვის პორტები გახსნას, სანამ გლობალური კატასტროფა მოხდება.
„თუ გული გაქვთ საერთოდ დანარჩენი მსოფლიოს მიმართ, მიუხედავად იმისა, თუ რას გრძნობთ უკრაინის მიმართ, თქვენ უნდა გახსნათ ეს პორტები“, - მიმართა დევიდ ბიზლიმ ვლადიმერ პუტინს.
მისი თქმით, პორტები უნდა ამოქმედდეს მომდევნო 60 დღის განმავლობაში, წინააღმდეგ შემთხვევაში უკრაინის სოფლის მეურნეობაზე ორიენტირებული ეკონომიკა დაიშლება.
„თუ პორტების საკითხი არ მოგვარდება და არ გაიხსნება, უკრაინის ეკონომიკა მთლიანად დაიშლება“, - აღნიშნა გაეროს მსოფლიო სასურსათო პროგრამის ხელმძღვანელმა.
შეგახსენებთ, სოფლის მეურნეობის სასიცოცხლო მნიშვნელობის ტვირთები უკრაინაშია ჩარჩენილი, რადგან რუსეთმა ოდესის პორტი და მეზობელი პორტები დაბლოკა.
რუსეთის სტრატეგიული მარცხი უკვე თვალსაჩინოა ყველასთვის მსოფლიოში, – ეს განცხადება უკრაინის პრეზიდენტმა ომის 78-ე დღის ბოლოს გამოქვეყნებულ ვიდეომიმართვაში გააკეთა.
შერიგებისა და სამოქალაქო თანასწორობის საკითხებში საქართველოს სახელმწიფო მინისტრის თეა ახვლედიანის ხელმძღვანელობით, შეიარაღებული კონფლიქტების შედეგად უგზო-უკვლოდ დაკარგული პირების მოძიებისა და გადმოსვენების უწყებათაშორისი კომისიის სხდომა გაიმართა.
69 წლის ასაკში პიანისტი ლექსო თორაძე გარდაიცვალა.
ფინანსთა სამინისტროს შემოსავლების სამსახურის საბაჟო დეპარტამენტის კინოლოგ ოფიცერმა და სამსახურებრივმა ძაღლმა სახელად დიიმ, რომელიც ნარკოტიკული საშუალების ძებნაზე-აღმოჩენაზე არის გაწვრთნილი, საბაჟო გამშვებ პუნქტში „თბილისის აეროპორტი“ უცხო ქვეყნის მოქალაქის ს.ფ.-ს ბარგის დათვალიერების შედეგად, 500 გრამი ნარკოტიკული საშუალება მარიხუანა აღმოაჩინეს.
