მას მერე, რაც საკონსტიტუციო ცვლილებების პროექტი ჩავარდა, "ქართული ოცნება" დატოვა ახალგაზრდა დეპუტატების იმ ჯგუფმა, ვინც მეტ-ნაკლებად ნოვატორად და პროდასავლელად მიიჩნეოდა...
“ივანიშვილმა მოატყუა ყველა, ვისი მოტყუებაც შეიძლებოდა. უკიდურესი შეურაცხყოფა მიაყენა მათ, ვინც წლების განმავლობაში ერთგულად ემსახურებოდა. ფაქტობრივად, დაიშალა საპარლამენტო უმრავლესობა, გადადგა საგარეო ურთიერთობის სამი კომიტეტის თავმჯდომარე და ვიცე-სპიკერიც. ბიძინა ივანიშვილმა ეს ყველაფერი დაგეგმა თავისი ყურმოჭრილი მსახურების, მაგალითად, “ქართუში” მომუშავე ვინმე დაჩი ბერაიასა და თავისი პირადი ექიმის, დიმიტრი ხუნდაძის დახმარებით”, - აცხადებს “ნაციონალური მოძრაობის” წევრი რომან გოცირიძე გაზეთ “კვირის პალიტრისთვის” მიცემულ ინტერვიუში, სათაურით “ახლა “ოცნება” თავისი ინტელექტუალური შემადგენლობით სოფლის საკრებულოს დაემსგავსა” / “ყველა ერთის წინააღმდეგ _ ასე გადაწყდა პარტიების გაერთიანებულ შეკრებაზე”.
"გადაჭარბებული მგონია შეფასება, რომ რაც მოხდა, რუსული პროექტია - ჩემი აზრით, ფიქრობენ, რომ ეს “ქართულ ოცნებას” ხელისუფლებაში დარჩენაში შეუწყობს ხელს, რაშიც ცდებიან. ისე დაეცა “ქართული ოცნების” რეიტინგი, რომ ამ პროცესებს უფრო საღად შევხედავდი. როგორი საარჩევნო სისტემითაც უნდა ჩატარდეს არჩევნები, მმართველ გუნდს ძალიან გაუჭირდება. მეტიც - დღეს რომ ჩატარდეს არჩევნები, ვფიქრობ, მწარედ დამარცხდებიან. ეს ცუდია, რადგან შეიძლება “ნაციონალური მოძრაობა” შემოგვიბრუნდეს, რასაც აუცილებლად მოჰყვება რევანშის ძლიერი ტალღა”, - აცხადებს ექსპერტი სანდრო თვალჭრელიძე გაზეთ “კვირის პალიტრისთვის” მიცემულ ინტერვიუში, სათაურით “მაჟორიტართა აჯანყებამ” რუსულ წისქვილზე დაასხა წყალი” / “უკვე ვეღარ გამოვრიცხავთ, რომ ეს უმრავლესობა მთლად დაიშალოს და ახალი უმრავლესობა შეიქმნას. არ ვიცი, ესმით თუ არა “ქართულ ოცნებაში”, რომ სასწრაფოდ არის ზომები მისაღები”.
აქციის მონაწილეებს პარლამენტის შენობასთან ქვიშით დატვირთული ტომრები თავად მიაქვთ. ისინი ტომრებს იმ მანქანიდან ეზიდებიან, რომელიც ზუბალაშვილების ქუჩაზე პოლიციამ გააჩერა.
„აი, იმ ადგილას ვიდექი, როდესაც ტყვია მომხვდა“, - ასე დაიწყო თავისი გამოსვლა 17 ნოემბერს, პარლამენტის წინ მიმდინარე აქციაზე მაკო გომურმა, რომელმაც 20-21 ივნისის ღამის აქციის დარბევისას თვალი დაკარგა.
„ქართული ოცნების“ ცენტრალურ ოფისთან სამოქალაქო მოძრაობა „შეცვალეს“ მიერ ორგანიზებული აქცია დასრულდა.
რამდენიმე არხით მიღებული ინფორმაციით, ექიმ ვაჟა გაფრინდაშვილის გათავისუფლება რამდენიმე დღეში, უახლოეს დღეებში მოხერხდება, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა.
საპარლამენტო უმრავლესობის წარმომადგენელი რომან კაკულია აცხადებს, რომ ახლა ხელისუფლების მთავარი მოვალეობაა, კონცენტრირდეს მხოლოდ იმ მოთხოვნებზე, რაც ოპოზიციამ დააყენა.
საუკუნეების განმავლობაში ჩვენი ისტორია გვკარნახობს, რომ ქართველი ხალხი არასოდეს ყოფილა მონობისთვის გაჩენილი. არამგონია, ქართველმა ხალხმა ამდენ ტყუილს გაუძლოს, - ამის შესახებ ექს-პრეზიდენტის, გიორგი მარგველაშვილის მეუღლემ, მაკა ჩიჩუამ პარლამენტთან განაცხადა, სადაც ვადამდელი პროპორციული არჩევნების მოთხოვნით მიმდინარე საპროტესტო აქციას შეუერთდა.
კონფლიქტის ზონაში შექმნილ ვითარებასთან დაკავშირებთ საქართველოს კათოლიკოს-პატრიარქმა ილია მეორემ მოსკოვისა და სრულიად რუსეთის პატრიარქს კირილეს წერილი გაუგზავნა.
