"თავად ივანიშვილი სააკაშვილის მმართველობის დროს მისი მთავარი დამფინანსებელი და მხარდამჭერი იყო," - ასე ეხმიანება "რეზონანსთან" "ლეიბორისტული პარტიის ერთ-ერთი ლიდერი ლაშა ჩხარტიშვილი ბიძინა ივანიშილის გუშინწინდელ ინტერვიუს”, - წერს გაზეთი "რეზონანსი“ სტატიაში სათაურით, „ივანიშვილს შეიძლება მხოლოდ დავცინოთ, გუშინ ხელისუფლების დაკარგვის ცხოველურ შიშს ასხივებდა“ – ჩხარტიშვილი
“ორივეს აწყობს ვადამდელი საპარლამენტო არჩევნები. “ქართულ ოცნებასაც” აწყობს, რადგან, რაც დრო გადის, მისი მდგომარეობა უარესდება. ჯობია დროზე ჩაატაროს არჩევნები, რომ შედარებით ნაკლებად გაუარესებულ ვითარებაში მეტი ხმა აიღოს. ოპოზიცია კი პროცესებს მართავს და “ოცნებას” დღის წესრიგს უდგენს. ნებისმიერი ვითარება მის სასარგებლოდაა - მმართველი გუნდი კარგავს რეიტინგს, ოპოზიცია კი ძლიერდება”, - ასე აფასებს “რეზონანსთან” შერიგებისა და სამოქალაქო თანასწორობის ყოფილი სახელმწიფო მინისტრი პაატა ზაქარეიშვილი ქვეყანაში არსებულ ვითარებას”, - წერს გაზეთი “რეზონანსი” სტატიაში სათაურით ვადამდელი არჩევნები “ოცნებასაც” აწყობს და ოპოზიციასაც, - ზაქარეიშვილი.
“ოპოზიციამ ვერ შეძლო იმ მორალური და ფსიქოლოგიური უპირატესობის გამოყენება, რომელიც მმართველი პარტიის მიერ დაპირების გადათქმისა და პროპორციულ არჩევნებზე გადასვლის ჩაგდების შემდეგ მიიღო - ოპოზიციამ თავისი ბრძოლა წააგო მაშინ, როდესაც მან დესტრუქციული სცენარით მუშაობა დაიწყო, იმიტომ, რომ დღეს საზოგადოებაში რევოლუციის მხარდამჭერი განწყობები არაა, ხოლო ოპოზიციის მცდელობებში - “ნაციონალური მოძრაობის” ავანგარდს ვგულისხმობ -აშკარად რევოლუციური სცენარი იკითხებოდა, რომელიც მათ არ გამოუვიდათ. ეს სცენარი პოლიტიკისგან შორს მდგომი ნებისმიერი ადამიანისთვის ადვილად წასაკითხი იყო. მათ ვერ მოახერხეს იმ კრიტიკული მასის შეკრება, რომელიც მათი გეგმის განსახორციელებლად საჭირო იქნებოდა”, - აცხადებს ანალიტიკოსი ზაალ ანჯაფარიძე გაზეთ “რეზონანსისთვის” მიცემულ ინტერვიუში, სათაურით ოპოზიციამ მორალური და ფსიქოლოგიური უპირატესობა ვერ გამოიყენა - ანჯაფარიძე.
პარლამენტში ახალი ფრაქცია "დამოუკიდებელი დეპუტატები" იქმნება.
ჩემთვის რაც ყველაზე მნიშვნელოვანი იყო, ბატონმა ბიძინამ აბსოლუტურად გულწრფელად, ღიად უპასუხა საზოგადოებაში დაგროვილ კითხვებს, - ამის შესახებ საქართველოს პრემიერ-მინისტრმა გიორგი გახარიამ ბიძინა ივანიშვილის ინტერვიუს შეფასებისას ჟურნალისტებს განუცხადა.
"პიკეტირება რამდენად ეფექტურია, მე მგონი, ჩანს. ფაქტია, რომ მმართველი პარტია, რომლის წინააღმდეგაც არის მიმართული ეს პიკეტირება, არ ცვლის თავის გეგმებს“, - ამის შესახებ პოლიტოლოგმა რამაზ საყვარელიძემ „ინტერპრესნიუსს“ განუცხადა, რითაც პარლამენტის უკვე ორჯერ პიკეტირებისა და „მესამე სერიის“ დაანონსების საკითხზე კომენტირებისას განუცხადა.
"მგონია, რომ მათი პროტესტი ნელ-ნელა ნულისკენ წავა, რადგან ხალხის მხარდაჭერა მათ ნაკლებად აქვთ", - ასე აფასებს "რეზონანსთან" ისტორიკოსი გიორგი ოთხმეზური ოპოზიციის საპროტესტო გამოსვლებსა და შექმნილ კრიზისულ ვითარებას”, - წერს გაზეთი "რეზონანსი“ სტატიაში სათაურით, ოპოზიციის პროტსტი ზედმეტად რადიკალურია... ღმერთმა ქნას, ყველაფერი ჩაწყნარდეს - გიორგი ოთხმეზური
„ამნესტი ინტერნეიშენალი - ამერიკის“ ევროპისა და ცენტრალური აზიის დირექტორი დენიელ ბალსონი, 26 ნოემბერს გამთენიისას საქართველოს პარლამენტის პიკეტირების აქციის დაშლის გადაწყვეტილებას ეხმაურება და აცხადებს, რომ უსაფრთხოების ძალებმა პატივი უნდა სცეს დემონსტრანტების მშვიდობიანი შეკრებისა და უკმაყოფილების გამოხატვის უფლებას.
12 წლის ბიჭი დაიღუპა ყვარლის მუნიციპალიტეტის სოფელ გრემში, საცხოვრებელ სახლში გაჩენილი ხანძრის დროს.
