გარემოს ეროვნული სააგენტოს ინფორმაციით,
სეპარატისტული სამხრეთ ოსეთის ადმინისტრაციულ სასაზღვრო ხაზთან სიტუაციის გამწვავება სრულებით მიუღებელია. ასევე, მიუღებელია სამხრეთ ოსეთის მხრიდან არასწორი ფაქტების გავრცელება, რაც მხოლოდ ამწვავებს სიტუაციას, - ამის შესახებ ევროკავშირის განცხადებაშია ნათქვამი.
„ევროკავშირი ყველა შესაბამის აქტორს მოუწოდებს, გამოიჩინონ მაქსიმალური თავშეკავება და თავი შეიკავონ ნებისმიერი ნაბიჯის ან განცხადებისგან, რამაც შეიძლება ვითარება გაამწვავოს. ამის ნაცვლად, ინტენსიურად უნდა იქნას გამოყენებული ინციდენტების თავიდან აცილებისა და გამოსავლის მოძებნის მექანიზმები, ისეთი, როგორიცაა ცხელი ხაზი, ინციდენტების პრევენციისა და მათზე რეაგირების მექანიზმი ერგნეთში და ჟენევის საერთაშორისო დისკუსიები. ამის გარდა, სექტემბრის დასაწყისში დახურული გამშვები პუნქტები უნდა გაიხსნას შეფერხების გარეშე. ეს ყველაფერი წარმოადგენს საუკეთესო გზას ადმინისტრაციულ სასაზღვრო ხაზთან არსებული უსაფრთხოების, ჰუმანიტარული და სხვა პრობლემების მოსაგვარებლად“, - აღნიშნულია განცხადებაში.
განცხადების თანახმად, ევროკავშირის სადამკვირვებლო მისია, როგორც ადგილზე ერთადერთი საერთაშორისო წარმოადგენლობა, მნიშვნელოვან როლს ასრულებს ვითარების სტაბილიზაციისათვის.
განცხადების მიხედვით, ე.წ. სამხრეთ ოსეთის მხრიდან ევროკავშირის მისიის მუშაობის შეჩერებისა და მანდატის შეზღუდვის მცდელობები სავალალოა და უნდა შეწყდეს.
„ევროკავშირი ბოლომდე ერთგულია საქართველოში კონფლიქტის მშვიდობიანად მოგვარების საკითხისადმი და კიდევ ერთხელ გამოხატავს საერთაშორისოდ აღიარებულ ფარგლებში საქართველოს სუვერენიტეტისა და ტერიტორიული მთლიანობის მტკიცე მხარდაჭერას“, - აღნიშნულია განცხადებაში.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება. ამის შესახებ ინფორმაციას საგარეო საქმეთა სამინისტრო ავრცელებს.
საქართველოს მომავალ თავმჯდომარეობასთან დაკავშირებით თბილისს ოფიციალური ვიზიტით ეწვია ევროპის საბჭოს გენერალური მდივანი მარია პეინჩინოვიჩ ბურიჩი. ეს გენერალური მდივნის რანგში მისი პირველი ოფიციალური ვიზიტია.
ვიზიტის ფარგლებში გენერალური მდივანი შეხვედრებს გამართავს საქართველოს პრემიერ-მინისტრთან, პრეზიდენტთან, პარლამენტის თავმჯდომარესთან და საგარეო საქმეთა მინისტრთან.
ასევე მოხდება საქართველოსთვის ევროპის საბჭოს 2020-2023 წლების სამოქმედო გეგმის გადმოცემა. აღსანიშნავია, რომ ეს არის პირველი შემთხვევა, როდესაც საქართველო ხდება საერთაშორისო ორგანიზაციის თავმჯდომარე ქვეყანა.
27 ნოემბერს თავმჯდომარეობის გადმოცემის ოფიციალური ცერემონია სტრასბურგში, საზეიმო ვითარებაში გაიმართება.
თავდაცვის ყოფილი მინისტრი ირაკლი ოქრუაშვილი სოციალური ქსელის საშუალებით იუსტიციის მინისტრს მიმართავს.
"ბიძინა, როდესაც შენ ჩემთან სახლში რაღაც წინადადებით და სათხოვარით მოხვედი და ეს შეთანხმება შედგა...", - ლევან ვასაძემ ვერის ბაღში რადიკალური ჯგუფის წევრებს მიმართა, სადაც მან ბიძინა ივანიშვილთან შეხვედრაზეც ისაუბრა.
სულ რამდენიმე წუთის წინ მინსკი ქართულმა კინომ დაიპყრო! – ამის შესახებ ეროვნული კინოცენტრი იუწყება.
ასეთ მოვლენებს, რასაც გუშინ ჰქონდა ადგილი, ზედმეტი დრო და ენერგია აღარ უნდა დავუთმოთ, - ამის შესახებ პარლამენტის თავმჯდომარე არჩილ თალაკვაძემ ჟურნალისტებს განუცხადა, რითაც გამოეხმაურა გუშინდელ მოვლენებს, რაც ფილმის "და ჩვენ ვიცეკვეთ" კინოთეატრებში ჩვენებას მოჰყვა. თალაკვაძის თქმით, ყველას აქვს უფლება ხელოვნებაში საკუთარი თავი სურვილისამებრ გამოხატოს.
იმერეთში სახელმწიფო რწმუნებული ზვიად შალამბერიძე, საჩხერის მუნიციპალიტეტის მერი ბენიამენ ფალავანდიშვილი და მაჟორიტარი დეპუტატი პაატა კვიჟინაძე, სოფლების: გამოღმა არგვეთი, გორისა და კორბოულის მცხოვრებლების პრიორიტეტებს გაეცნენ.
პოლიციამ კინოთეატრ „ამირანთან“ ორი პირი დააკავა. შსს-ს ინფორმაციით, მათ პოლიციისადმი დაუმორჩილებლობა ედებათ ბრალად.
„ქართული მარშის“ წარმომადგენლები „ამირანში“ შესვლას ცდილობენ, თუმცა საპროტესტო აქციის მონაწილეებს პოლიცია ამის შესვლის უფლებას არ აძლევს.
აქციის ზოგიერთი მონაწილე საპატრულო პოლიციის მიერ განთავსებულ რკინის ჯებირზე გადასვლას ცდილობს. მათ ნაწილს ნიღბები უკეთია.
აქციაზე ხდება პიროტექნიკის გამოყენება.
„ამირანთან“, სადაც ქართულ-შვედური ფილმის „და ჩვენ ვიცეკვეთ“ პრემიერა უნდა გაიმართოს, პოლიციის განსაკუთრებული მობილიზებაა.
აქციის მონაწილეებმა ვერის პარკიდან „ამირანთან“ რამდენიმე წუთის წინ გადაინაცვლეს.
