გუშინ მთელი დღის განმავლობაში ვიზალიბერალიზაციის გაუქმებაზე ლაპარაკობდნენ, რაც ცალსახა უპრეცედენტობა და უტოპიაა, რადგან მას სრული კონსენსუსი სჭირდება. როდესაც ამ ტყუილში ვამხილეთ, დღეს მესიჯი შეცვალეს და დროებით შეჩერებაზე გადავიდნენ, რომლის ინიცირებასაც ქვეყნების უმრავლესობის თანხმობა სჭირდება. თუმცა იმას არ ამბობენ, რომ ამავე დროს საჭიროა ძალიან კონკრეტული, მკაცრად გაწერილი სამართლებრივი საფუძვლები, საიდანაც ბუნებაში არცერთი არსებობს, – ამის შესახებ საპარლამენტო უმრავლესობის ლიდერი მამუკა მდინარაძე სოციალურ ქსელში წერს, რითიც ეხმიანება ევროპარლამენტის რეზოლუციაზე ოპოზიციის რეაქციას.
პულტები უნდა გადავდოთ, ტელევიზორები უნდა გამოვრთოთ და უნდა გვესმოდეს, რომ 28 აპრილს თითოეული ქართველის ადგილი რუსთაველზეა იმისთვის, რომ საკუთარი აზრი დააფიქსიროს, - ამის შესახებ „ერთიანი ნაციონალური მოძრაობის“ თავმჯდომარემ ლევან ხაბეიშვილმა განაცხადა.
ევროპარლამენტმა, 425 ხმით 30-ის წინააღმდეგ, მხარი დაუჭირა ხუთი საპარლამენტო ჯგუფის მიერ წარდგენილ ერთობლივ რეზოლუციას „საქართველოში „უცხოელი აგენტების კანონის“ ხელახალი შემოღების მცდელობებისა და სამოქალაქო საზოგადოების შეზღუდვების შესახებ“.
„უცხოური გავლენის გამჭვირვალობის შესახებ“ კანონი მოსახლეობის მიერ არის ნაკარნახევი ქვეყნის სუვერენიტეტის დასაცავად, – ამის შესახებ „ქართული ოცნების“ წევრმა, ირაკლი ზარქუამ განაცხადა.
„გირჩის“ ლიდერის, იაგო ხვიჩიას განცხადებით, არ უკვირს, რომ მიხეილ სააკაშვილთან დაკავშირებით ჩანაწერი გაკეთდა ევროპარლამენტის რეზოლუციაში. ხვიჩიას თქმით, სააკაშვილი ხელისუფლებაში ნამყოფი ადამიანია და ბევრს იცნობს.
დღეს ევროპარლამენტმა მორიგი სამარცხვინო რეზოლუცია მიიღო, – ამის შესახებ „ქართული ოცნების“ გენერალურმა მდივანმა და თბილისის მერმა, კახა კალაძემ ბრიფინგზე განაცხადა.
რეზოლუციაში ისეთ საკითხზე ჩანაწერის გაკეთება, როგორიცაა ვიზალიბერალიზაცია, რომელსაც ევროკავშირის წევრი ოცდაშვიდივე სახელმწიფოს თანხმობა სჭირდება, მორიგი თაღლითობა და შანტაჟია დოკუმენტის ინიციატორი ევროპარლამენტარების მხრიდან, – ამის შესახებ საპარლამენტო უმრავლესობის ლიდერმა, მამუკა მდინარაძემ სოციალურ ქსელში დაწერა.
საფრანგეთის პრეზიდენტის, ემანუელ მაკრონისგანცხადებით, ევროპამ უნდა აჩვენოს, რომ ის აშშ-ის ვასალი არ არის. ამის შესახებ განცხადება საფრანგეთის პრეზიდენტმა სორბონის უნივერისტეტში სიტყვით გამოსვლისას გააკეთა.
ხელმომწერი ორგანიზაციები ვაჩერებთ ხელისუფლებასთან თანამშრომლობას, ვიდრე ხელისუფლება რუსულ კანონს არ გაიხმობს; ვაცხადებთ, რომ არასოდეს არავითარი ფორმით არ დავრეგისტრირდებით ღირსების შემლახავ რეესტრში; მოვუწოდებთ ყველას, 28 აპრილს, კვირას, 19:00 საათზე შევიკრიბოთ რესპუბლიკის მოედანზე, რუსული კანონის წინააღმდეგ. ასევე მოვუწოდებთ შეკრებისკენ ყველას, თუკი ჩაინიშნება მეორე პლენარული განხილვა, – ამის შესახებ არასამთავრობო ორგანიეზაციების ერთობლივ განცხადებაშია ნათქვამი.
