„ქართული ოცნების“ გუნდის ყოფილმა წევრმა, სოზარ სუბარმა განმარტა, თუ რატომ გადაწყვიტა პარტიის დატოვება.
არის საკითხები, რომლებიც გაჟღერდება ხვალ. ამ საკითხებზეც გვექნება მსჯელობა, მივაწოდებთ, რომ იცოდეს ჩვენმა საზოგადოებამ სიმართლე, თუ დღეს საქართველოში რა ვითარებაა და რა მდგომარეობაა, რომ გვქონდეს საერთო აზრი, - ამის შესახებ პარლამენტის დეპუტატმა, მიხეილ ყაველაშვილმა ჟურნალისტებს განუცხადა, რომელმაც "ქართული ოცნება" და საპარლამენტო თანამდებობა დღეს დატოვა.
„ქართული ოცნების“ უკვე ყოფილი წევრი დიმიტრი ხუნდაძე აცხადებს, რომ პარტია "ქართულ ოცნებასთან" და მის ლიდერებთან არავითარი ღირებულებითი აზრთასხვადასხვაობა არ აქვს.
ქუთაისის ვიცე-მერი დავით ერემეიშვილი და ა(ა)იპ ქუთაისის სპორტულ დაწესებულებათა გაერთიანების მმართველი კობა ფხაკაძე ჭადრაკში საქართველოს ჩემპიონატის გამარჯვებულებს შეხვდნენ.
სოზარ სუბარი, მიხეილ ყაველაშვილი და დიმიტრი ხუნდაძე "ქართულ ოცნებას" ტოვებენ.
საქართველოს ეროვნული ბანკის მიერ გამოქვეყნებული მონაცემების თანახმად, 29 ივნისს ერთი ამერიკული დოლარი 2.9336 ლარი ეღირება, ევრო – 3.1040 ლარი, ხოლო ბრიტანული გირვანქა სტერლინგი – 3.5954 ლარი.
20 ივნისიდან 26 ივნისის ჩათვლით საქართველოში კორონავირუსით ინფიცირების 1 058 ახალი შემთხვევა დაფიქსირდა, გარდაიცვალა კიდევ 2 პაციენტი, - ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
"ბოდიში, რომ დღეს ტრადიციულად პოზიტიური და ომახიანი ვერ ვიქნები! ვინც გუშინდელი კადრები ნახა, გაიგებს!
დილის მონაცემებით პოლტავის ოლქის ქალაქ კრემენჩუკში სავაჭრო ცენტრზე განხორციელებულ სარაკეტო ტერორისტულ შეტევას 18 ადამიანი ემსხვერპლა! როგორც პრეზიდენტმა ზელენსკიმ განაცხადა, ხალხის ძალიან დიდმა ნაწილმა გამოსვლა მოასწრო!
პუტლერი არის ისეთივე და უფრო უარესი ტერორისტი როგორიც იყო ბინ ლადენი! ურდოსტანი არის სახელმწიფო-ტერორისტი!
რისთვის იკრიბება დღეს გაერო? რას იტყვის? დაგმობს ჰო და ურდოს უტიფარი ვაზირი იტყვის (თქვა კიდეც უკვე), დადგმულია ეგ ყველაფერიო.
ლისიჩანსკში ხალხი ტექნიკურ წყალს იღებდა. რაშისტმა ტერორისტებმა რაკეტები დაუშინეს და 7 ადამიანი, მათ შორის 3 ბავშვი დაიღუპა!
ხარკოვიც ისევ დაბომბეს და 5 ადამიანი დაიღუპა!
ხვალ ნატო-ს ახალ სტრატეგიულ კონცეფციას მიიღებენ და რუსეთს ყველაზე დიდ საფრთხეს დაარქმევენ!
სწრაფი რეაგირების ძალების რაოდენობა გაიზრდება 300 ათასამდე!
მანამდე დიდმა შვიდეულმა განაცხადა, რომ უწყვეტად და შეუზღუდავად დაეხმარება უკრაინას რუსეთთან ომში! 29.5 მილიარდი დოლარი გამოეყო უკრაინის ბიუჯეტს!
დეფოლტირებულ ურდოს ვინ რას გამოუყოფს, აქ არ დავწერ!
ჩვენები იცავენ ლისიჩანსკს, ამაგრებენ ბახმუტ-ლისიჩანსკის ტრასას; დაბომბეს ისევ ურდოს შეიარაღების საწყობები დონეცკში, ლუგანსკში და ხარკოვის ოლქში!
აშშ ახალ მიწა-ხმელეთის ტიპის სარაკეტო კომპლექსებს იყიდის უკრაინისთვის! კიდევ დამატებით "გაუმარსები" ჩავა ივლისში.
იარაღი, იარაღი, იარაღი ჩქარა! ზელენსკის მიმართვაში დიდი შვიდეულისადმი, უსაფრთხოების გარანტიებთან, ფინანსური დახმარების გაზრდასთან, რუსეთზე სანქციების წნეხის გაძლიერებასა და ტერორიზმის სპონსორ სახელმწიფოდ გამოცხადების თხოვნასთან ერთად მთავარი მოთხოვნა ჰაერსაწინააღმდეგო თავდაცვის სისტემების და შეიარაღების მოწოდება იყო!
უკრაინა აუცილებლად გაიმარჯვებს!
დიდება უკრაინას!
დიდება გმირებს!
დიდება ერს!
სიკვდილი მტერს!
გაუმარჯოს საქართველოს! "- წერს ალექსი პეტრიაშვილი.
უკრაინის პრეზიდენტი ვოლოდიმირ ზელენსკი აცხადებს, რომ კრემენჩუკის სავაჭრო ცენტრზე რუსეთის მიერ განხორციელებული სარაკეტო დარტყმა ევროპის ისტორიაში ერთ-ერთი ყველაზე თავხედური ტერორისტული აქტია. ამის შესახებ უკრაინის ლიდერმა ყოველდღიურ ვიდეომიმართვაში განაცხადა.
