უკრაინის ევროპული გზა ახლა დაიწყო. დრო, როგორიც ახლაა, მოითხოვს ხედვას, სიმტკიცესა და გამძლეობას, რათა გადაიდგას ერთი რთული ნაბიჯი მეორის შემდეგ, - ამის შესახებ ევროკომისიის პრეზიდენტი ურსულა ფონ დერ ლაიენი, უკრაინის პრეზიდენტ ვოლოდიმირ ზელენსკისთან საუბრის შემდეგ, „ტვიტერის" გვერდზე წერს.
აქტივისტებმა, ქალაქ ლვოვში, რუსული შეჭრის შემდეგ, ყოველი დაღუპული ბავშვის ხსოვნის პატივსაცემად, ბაზრის მოედანზე ცარიელი საბავშო ეტლები მიიტანეს, - ამის შესახებ ინფორმაციას უკრაინის საგარეო საქმეთა სამინისტრო ოფიციალურ ,,ტვიტერის" გვერდზე ავრცელებს.
1 აშშ დოლარის ოფიციალური ღირებულება 3.2096 ლარი გახდა.
ჩრდილოატლანტიკური ალიანსის გენერალური მდივანი იენს სტოლტენბერგი აცხადებს, რომ მას ესმის ვოლოდიმირ ზელენსკის იმედგაცრუება, თუმცა ალიანსისთვის მნიშვნელოვანია კონფლიქტის სამომავლო ესკალაციის თავიდან აცილება.
19 მარტიდან ქუთაისის საერთაშორისო აეროპორტის მიმართულებით ყაზახური დაბალბიუჯეტური ავიაკომპანია FlysArystan-ი შიმკენტიდან პირდაპირი რეგულარული ავიარეისების შესრულებას განაახლებს.
საქართველოს რვა მუნიციპალიტეტი მიიღებს მიზნობრივ დახმარებას ევროკავშირის მიერ დაფინანსებული რეგიონული ინიციატივის „მერები ეკონომიკური ზრდისთვის“ #M4EG ფარგლებში. ამის შესახებ ევროკავშირმა და გაეროს განვითარების პროგრამამ დღეს განაცხადეს, https://bit.ly/3IjMOzl
სალომე ზურაბიშვილი იმპიჩმენტით შეაშინეს და გუშინ CNN -ში ფირფიტა უკვე ამოატრიალა, სულ სხვანაირად აჭიკჭიკდა, - ამის შესახებ საქართველოს მესამე პრეზიდენტმა მიხეილ სააკაშვილმა სასამართლო პროცესზე განაცხადა, სადაც მისი სისხლის სამართლის ბრალდების საქმეზე საქართველოს სახელმწიფო საზღვრის უკანონო კვეთასთან დაკავშირებით სხდომა მიმდინარეობს.
საქართველოს მესამე პრეზიდენტის, მიხეილ სააკაშვილის განცხადებით, არსებობს ინფორმაცია, რომ საქართველოს ოკუპირებული ტერიტორიების შიგნით და გამყოფ ხაზთან პროვოკაციები იგეგმება.
საქართველოს ყოფილმა პრეზიდენტმა მიხეილ სააკაშვილმა თბილისის საქალაქო სასამართლოში სასამართლო პროცესის დაწყებისას სანთელი აანთო და განაცხადა, რომ უერთდება პატრიარქის მოწოდებას უკრაინისთვის საყოველთაო ლოცვასთან დაკავშირებით.
25 აპრილიდან მსუბუქი ავტომობილების, ხოლო 7 ნოემბრიდან სხვა კატეგორიის მართვის მოწმობის გამოცდის ჩაბარება მოხდება რეალურ პირობებში. - განაცხადა შს მინისტრმა ვახტანგ გომელაურმა.
