ამირან სალუქვაძე ფეისბუქის საკუთარ გვერდზე შემდეგი შინაარსის სტატუსს აქვეყნებს:
გიორგი გახარიას, რეალურად რაც უნდა გაეკეთებინა, ეს იყო ადამიანური სახის ჩვენება. მას უნდა გამოეთქვა სინანული და დაერწმუნებინა საზოგადოება, რომ ის ნანობს რაც მოხდა აუცილებელი მოგერიების ფაზის შემდეგ“, - ასე აფასებს ექსპერტი გია ხუხაშვილი „ინტერპრესნიუსთან“ შინაგან საქმეთა მინისტრის გიორგი გახარიას მიერ „ტვ პირველისთვის“ მიცემულ ინტერვიუს“.
„საქმე იმაშია, რომ არავინ ედავება გიორგი გახარიას იმაში, რომ ძალის გამოყენება გახდა საჭირო“, - აღნიშნა გია ხუხაშვილმა.
მისი თქმით, გახარია თავის ინტერვიუში ისევ იმ სეგმენტს მიმართავდა, რომელიც ისედაც იზიარებდა მის ნააზრევს 20-21 ივნისს მომხდარ მოვლენებთან დაკავშირებით.
რაც შეეხება სპეცდანიშნულების რაზმის მიერ ნარინჯისფერი ტყვიების გამოყენების უფლებას, ხუხაშვილმა აღნიშნა, რომ ამასთან დაკავშირებით გახარიას ნათქვამი - „წყალია“.
„ეს ყველაფერი წყალია. გუშინდელი ინტერვიუს შემდეგ, ის დარჩა იმ სეგმენტთან ერთად, რომელიც ამ ინტერვიუს გარეშეც მის მხარეს იყო. სამაგიეროდ, საზოგადოების მოაზროვნე ნაწილი, რომელსაც კითხვები აქვს და უნდა გაერკვეს სიტუაციაში, ეს ნაწილი მძიმე განწყობაზე დააყენა და მოიშორა. თქვა, რომ მე თქვენ არ მაინტერესებთ, მე მაინტერესებს მობილიზაცია იმ ხალხის, რომელიც ისედაც ჩემთან არის. ეს იყო მისი მთავარი პრობლემა. ფაქტობრივად, არ შედგა დიალოგი საზოგადოებასთან და მან მოახდინა ინტელექტუალური მონოლოგის დემონსტრირება“, - განაცხადა ხუხაშვილმა.
რაც შეეხება შს მინისტრის განცხადებას, რომ მისი მხრიდან გადადგომა იქნებოდა „პასუხისმგებლობიდან გაქცევა, არათუ პასუხისმგებლობის აღება“, ხუხაშვილმა განაცხადა, რომ მან ლოგიკა თავდაყირა დააყენა.
„ეს არის პასუხისმგებლობის ცნების თავდაყირა დაყენება. პასუხისმგებლობა განისაზღვრება იმით, რომ შენ პოლიტიკურად მზად ხარ, რომ პასუხი აგო და პასუხისმგებლობის გრძნობა ზუსტად გადადგომაა. ის კი თავდაყირა აყენებს ამ ლოგიკას და საუბრობს იმაზე, რომ იმიტომ არ გადადგება, რომ ის მომხდარზე პასუხისმგებელია. აბსოლუტური აბსურდია“, - განაცხადა ხუხაშვილმა.
როგორც ექსპერტმა აღნიშნა, დღეს თუ ხვალ, გახარიას პასუხისმგებლობის თემას ისტორია გამოკვეთავს.
„გახარია ისტორიულად უკვე განწირულია, მას ჰქონდა პოტენციალი, რომ გამხდარიყო გამორჩეული სახელმწიფო მოღვაწე. დღეს თუ ხვალ, მისი პასუხისმგებლობის თემას ისტორია გამოკვეთავს. ხელების გადაგრეხვით თუ სხვა მეთოდებით, მას შეუძლია დარჩეს და ამის გამო ომს ხომ არ დაიწყებს ვინმე?! მაგრამ სამწუხაროდ, ის დღეს სუსტია და მისი ეს რიტორიკა აძლიერებს მის ოპონენტებს ანუ „ნაციონალურ მოძრაობას“, - განაცხადა ხუხაშვილმა.
ბრძანება მე გავეცი, მე ვიმოქმედე საქართველოს კონსტიტუციის და კანონმდებლობის ფარგლებში, ნარინჯისფერი ტყვია არის არალეტალური, - ამის შესახებ შს მინისტრმა გიორგი გახარიამ განაცხადა.
ახლა ჩემი წასვლა ამ მომენტში არის პასუხისმგებლობიდან გაქცევა, არათუ პასუხისმგებლობის აღება- ამის შესახებ შინაგან საქმეთა მინისტრმა გიორგი გახარიამ განაცხადა. მისი თქმით ის იდგა გადაწყვეტილების წინაშე, გადაერჩინა საკუთარი იმიჯი , თუ მიეღო სწორი გადაწყვეტილება.
გარემოს ეროვნული სააგენტოს ინფორმაციით,
მართლმადიდებლობის საპარლამენტთაშორისო ასამბლეის მონაწილეებმა დაგმეს საქართველოს ხელისუფლების მოქმედებები, რომლებმაც დაუშვეს რადიკალების პროვოკაცია ასამბლეის სესიის დროს,
ისტორიკოსი ბუბა კუდავა რუსეთის პრეზიდენტის, ვლადიმერ პუტინის განცხადებას ეხმაურება.
ჩვენ მადლობელი ვართ ევროკავშირის გადაწყვეტილებების გამო, რომელიც აახლოებს საქართველოს ევროპასთან, მაგრამ ამავე დროს საქართველო ელოდება უფრო მეტ მხარდაჭერას, როცა საკითხი ოკუპაციას ეხება, - ამის შესახებ საქართველოს პრეზიდენტმა სალომე ზურაბიშვილმა “აღმოსავლეთ პარტნიორობის“ 10 წლის იუბილესადმი მიძღვნილი საერთაშორისო კონფერენციის გახსნაზე განაცხადა.
პრეზიდენტის განცხადებით, რუსეთთან განახლებული დაძაბულობა მიუთითებს, რომ არსებული სტატუს-კვო მიუღებელია და ხელს არ უწყობს გრძელვადიან სტაბილურობას. მისი თქმით, საჭიროა დეესკალაცია და ჟენევის მოლაპარაკებების განახლება, რაშიც ევროპა უნდა იყოს უფრო აქტიურად ჩართული, რათა ხელი შეუწყოს და მხარი დაუჭიროს საქართველოს ევროპულ გზაზე მოძრაობას.
„აფხაზეთის და „სამხრეთ ოსეთის“ თემები უკვე აღარ არის პირველი რიგის თემები საერთაშორისო ასპარეზზე, მაგრამ ეს ჩვენთვის ძალიან დიდი პრობლემაა. ეს არ არის ის საკითხი, რომელიც ჩვენ ან დაგვავიწყდება ან როგორღაც გაქრება. დემონსტრაცია, რომელიც დაიწყო 20 ივნისს ეს არის ბუნებრივი გამოხატულება იმისა, რაც აწუხებს ჩვენს მოსახლეობას წლების განმავლობაში. ეს არის გაწბილება იმის გამო, რომ არ არსებობს არანაირი პოლიტიკური პროგრესი ტერიტორიული გამთლიანების გზაზე.
საქართველო არის მშვიდობიანი ერი და თავისთავად არის ქვეყანა, რომელიც არასოდეს არ დასხმია თავს არც ერთ ქვეყანას. იგი აგრძელებს რუსი ტურისტების ჩვეული მასპინძლობით მიღებას და ეს ხდება მიუხედავად 2008 წლის ომისა. ჩვენ გვინდა, რომ ოკუპაციის საკითხი გადაწყდეს მშვიდობიანად და დიპლომატიური არხებისა და გზების გამოყენებით. დემოკრატიული, მშვიდობიანი, სტაბილური ყველაფრის მიუხედავად და ევროპული - აი ეს ვართ ჩვენ, როგორც ქვეყანა, როგორც სახელმწიფო. რუსეთთან განახლებული დაძაბულობა, მიუთითებს, რომ არსებული სტატუს-კვო მიუღებელია და ხელს არ უწყობს გრძელვადიან სტაბილურობას. საქართველო არ უნდა ეძებდეს ფსევდო ისტორიულ ადამიანებს, რათა დაამტკიცოს საკუთარი თავი იმიტომ, რომ ძალიან დიდი ისტორიისა და დიდი გზის პატრონია ჩვენი ქვეყანა. 2005 წელს, მოლაპარაკებების შედეგად ბათუმიდან გავიდა რუსული გემი, რომელსაც გაჰქონდა რუსული შეიარაღება. დარწმუნებული ვარ, თუ ჩვენ, ყველანი მივიღებთ მონაწილეობას, თუ ჩვენ ავიცილებთ თავიდან შეცდომებს, ჩვენ აუცილებლად ვნახავთ, რომ რუსეთის სამხედრო ბაზები გავა გუდაუთიდან თუ ცხინვალის რეგიონიდან. რეგიონში სტაბილურობა , შავ ზღვაზე სტაბილურობა არის ისეთივე ღირებული და მნიშვნელოვანი ევროპისათვის, როგორც საქართველოსთვის და ყველა ჩვენი მეზობლისათვის. მთლიანად რეგიონს და ყველა ქვეყანას სჭირდება ჩვენი სტაბილურობა. ჩვენ გვჭირდება მედიაცია, ევროკავშირის დახმარება, რომ გაერთიანდეს ჩვენი ქვეყანა. გვჭირდება ევროენთუზიამი, რომ ევროპასაც ახალი სულისკვეთება შევძინოთ. თქვენი მხარდაჭერა გვჭირდება, რომ გავიაროთ ეს რთული პოლიტიკური და ეკონომიკური რეფორმები, რომ მივიდეთ იმ წერტილში, სადაც მივდივართ და თქვენთან ერთად ვიყოთ ევროკავშირში“, - განაცხადა ზურაბიშვილმა.
"რუსეთის გადაწყვეტილება, რომ შეწყვიტოს ფრენები საქართველოში, არის დისპროპორციული, უსამართლო და არაფრითაა გამართლებული“, - ამის შესახებ ევროპის საბჭოს პრეზიდენტმა დონალდ ტუსკმა ბათუმში, საქართველოს პრეზიდენთან, სალომე ზურაბიშვილთან ერთობლივ პრესკონფერენციაზე განაცხადა.
ქუთაისში, ლორთქიფანიძის ქუჩაზე გზის საფარის და ფეხით სავალი ნაწილის სარეაბილიტაციო სამუშაოები აქტიურად მიმდინარეობს.
