10 ოქტომბერი, ომის დაწყების შემდეგ, უკრაინისთვის ერთ-ერთი ყველაზე მძიმე დღე იყო. დილიდან საჰაერო განგაშის სიგნალი ქვეყნის მთელ ტერიტორიაზე ისმოდა. დაიბომბა კიევი, ლვოვი, ჟიტომირი, ხმელნიცკი და კიდევ რამდენიმე ქალაქი. მხოლოდ დედაქალაქში 10-მდე ადამიანი დაიღუპა.
რუსეთის საგარეო საქმეთა მინისტრ სერგეი ლავროვის განცხადებით, უკრაინაში ვითარების დარეგულირებასთან დაკავშირებით, მოსკოვს აშშ-ის მხრიდან სერიოზული წინადადებები არ მიუღია.
სახელმწიფო უსაფრთხოების სამსახურის უფროსის ყოფილ მოადგილე სოსო გოგაშვილს ბრალდება დაუმძიმდა და მას სახელმწიფო საიდუმლოების განზრახ გახმაურების და პირადი ცხოვრების საიდუმლოს ხელყოფის ფაქტებზე დამატებით ახალი ბრალდება წარედგინა. აღნიშნულთან დაკავშირებით ინფორმაციას საქართველოს პროკურატურა ავრცელებს.
ევროპის 11 ქვეყანა რუსეთს აფრთხილებს, რომ ქალაქების დაბომბვა ომის დანაშაულია, რომელსაც ხანდაზმულობის ვადა არ აქვს. აღნიშნულის შესახებ ნათქვამია 11 ევროპული ქვეყნის პრეზიდენტების მიერ გავრცელებულ ერთობლივ განცხადებაში, სადაც რუსეთის მიერ უკრაინულ ქალაქებზე მიტანილი სარაკეტო დარტყმებია დაგმობილი.
საქართველოს პრეზიდენტის, სალომე ზურაბიშვილის განცხადებით, ევროინტეგრაციის გზაზე რუმინეთის საქართველოს პირველი მხარდამჭერი და მთავარი პარტნიორია. როგორც ზურაბიშვილმა რუმინეთის პრეზიდენტთან ერთობლივ პრესკონფერენციაზე განაცხადა, საქართველოს ევალება, იმუშაოს და აჩვენოს ევროპელ პარტნიორებს, რომ ქვეყანა არათუ პერსპექტივისთვის, არამედ წევრობისთვისაც მზად არის.
ჩვენს ტერიტორიაზე ტერორისტული აქტების განხორციელების მცდელობები თუ გაგრძელდება, რუსეთის პასუხი იქნება მკაცრი, – აღნიშნულის შესახებ, რუსეთის პრეზიდენტმა, ვლადიმერ პუტინმა უშიშროების საბჭოს სხდომაზე განაცხადა.
რუს ტერორისტებს უკრაინაში ორი სამიზნე აქვთ, ენერგოობიექტები და ხალხი, – აღნიშნულის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
შემზარავი ამბავია კიევისა და სხვა ქალაქების დაბომბვა, მშვიდობიან მოსახლეობაზე თავდასხმის მიზანი მათი განადგურება და შიშის დანერგვაა, მაგრამ მსოფლიომ დაინახა უკრაინელი ერის სიმტკიცე, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს.
დავით აღმაშენებლის სახელობის ქუთაისის საერთაშორისო აეროპორტი ასაფრენი ბილიკის რემონტთან დაკავშირებით დღეიდან 24 ოქტომბრამდე დაიკეტება,- ამის შესახებ საქართველოს აეროპორტების გაერთიანების პრეს-სამსახურში აცხადებენ.
კიევის ცენტრში დაბომბვებს სულ მცირე რვა ადამიანი ემსხვერპლა. აღნიშნულის შესახებ ინფორმაციას გამოცემა „ცენზორ ნეტი“ უკრაინის ხელისუფლების წარმომადგენლებზე დაყრდნობით ავრცელებს.
