ონკოლოგიური პაციენტების მკურნალობის ლიმიტები გაიზარდა - ეკატერინე ტიკარაძე
ოკუპირებული ტერიტორიიდან დევნილთა, ჯანდაცვის, შრომისა და სოციალური დაცვის მინისტრმა ეკატერინე ტიკარაძემ შემაჯამებელ ანგარიშში განაცხადა, რომ ონკოლოგიური დაავადებების მკურნალობის მიმართულებით სახელმწიფო პროგრამები გასულ 2021 წელს მეტად გაძლიერდა.
მათ შორის, დაემატა სიმსივნის სამკურნალო პრეპარატების ანაზღაურების თანხა და ხელმისაწვდომობა მედიკამენტებზე.
ეკატერინე ტიკარაძემ დარგის ექსპერტებს და საერთაშორისო ორგანიზაციების წარმომადგენლებს ანგარიში დღეს სასტუმრო "ბილტმორში" გააცნო.
„გაიზარდა ონკოლოგიური დაავადებების მკურნალობის (ქიმიო, ჰორმონო და სხივური თერაპიის) ლიმიტები 8000 ლარით. ამასთან, პროგრამას დაემატა სიმსივნის საწინააღმდეგო მედიკამენტები, რომლებიც მაღალი ღირებულების გამო მძიმე ტვირთად აწვა პაციენტებს. შედეგად, გაიზარდა ხელმისაწვდომობა თარგეტულ მედიკამენტებზე. ონკოლოგიური პაციენტები წლიური ლიმიტის ფარგლებში პროგრამულ მომსახურებას იღებენ უფასოდ, თანაგადახდის გარეშე“, – განაცხადა ტიკარაძემ.
სიახლეები
- ილია თოფურიას UFC-ის ახალწვეულის ბარათი აუქციონზე რეკორდულ ფასად, 101,000 დოლარად გაიყიდა
- აფხაზეთის იუსტიციისა და სამოქალაქო ინტეგრაციის მინისტრად ალიონა ჩხოტუა დაინიშნა
- “მე არჩევნების ჩაშლის ნაკლებად მჯერა, რადგან ასეთი სიმამაცის იმედი რომ მქონდეს “ნაცებისგან”, მინიმუმ, მიშა გამოხსნილი იქნებოდა” – ხვიჩია
- “ამოღებულია „ჰეროინი“; „მეთადონი“; „ალფაპევეპე; „ტრამადოლი“; „კლეფედროლი“; „მეფედრონი“; „მორფინი“; „ბუპრენორფინი“, „მეტამფეტამინი“, „ექსტაზის“ აბები, „გამომშრალი მარიხუანა“ „კანაფი“, „კეტამინინი“ – 34 პირს ბრალდება წარედგინა
- „სათნო ვირეშმაკა – ბადრი ჯაფარიძის დეფინიცია” – თამარ ჩერგოლეიშვილი
