მისივე თქმით, ამ ეტაპზე უცნობია, თუ რომელ საავადმყოფოშია დაინფიცირებული მედპერსონალი. 

,,ოთხი დადასტურებული შემთხვევიდან, ერთი საბურთალოს წყაროდან არის, დაავადებულთან კონტაქტირებული პირი, ორი არის შემოტანილი, იმპორტირებული შემთხვევა, კიდევ ერთი სამედიცინო პერსონალია. ეს სამედიცინო პერსონალი არ არის ჩვენი ცენტრის. 30 იანვრიდან დღემდე, ანუ მეხუთე თვეა რაც ჩვენი ცენტრი კოვიდინფიცირებულებთან და შესაძლო შემთხვევებთან მუშაობს, ჩვენ სამედიცინო პერსონალის ინფიცირების არც ერთი შემთხვევა არ გვქონია“,- განაცხადა მარინა ეზუგბაიამ.

ცნობისთვის, გუშინ, 9 ივნისს, ბოჭორიშვილის კლინიკის 3 თანამშრომელს კორონავირუსი დაუდასტურდა.

ბოლო მონაცემებით, საქართველოში კორონავირუსის 822 შემთხვევაა დადასტურებული. მათ შორის გამოჯანმრთელებულია 690.

ქვეყანაში კორონავირუსით 13 ადამიანია გარდაცვლილი.