"ვთხოვ ყველა პარტიას, ხელს ნუ შეუწყობენ ვირუსის გავრცელებას"
ყველა იმ პარტიას, რომელიც დღეს ჩართულია პოლიტიკურ პროცესში, მინდა ვთხოვო, ხელს ნუ შეუწყობენ ვირუსის გავრცელებას, ნუ გამოვიყენებთ ექიმების გმირობას და კეთილგანწყობას ბოროტად, – ამის შესახებ ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის შემდეგ გამართულ ბრიფინგზე განაცხადა.
მინისტრის განცხადებით, რეკომენდაციების დარღვევა დიდი რისკის მატარებელია როგორც მოქალაქეებისთვის, ასევე ექიმებისთვის.
„ჩვენს მოსახლეობას და ყველა იმ პოლიტიკურ პარტიას, რომელიც დღეს ჩართულია პოლიტიკურ პროცესში, მინდა ვთხოვო, ნუ შეუწყობენ ხელს იმ ვირუსის გავრცელებას, რომელსაც მთელი მსოფლიო ებრძვის. სოციალური დისტანცირება ვირუსთან ბრძოლაში ყველაზე ეფექტურ იარაღად რჩება. შესაბამისად, ყველა ამ მოწოდების დარღვევა ძალიან დიდი რისკის მატარებელია ჩვენი მოქალაქეებისთვის, ჩვენი გმირი ექმებისთვის, რომლებიც დღემდე იბრძვიან და დარმწუნებული ვარ, ბოლო მომენტამდე იბრძოლებენ ადამიანების სიცოცხლის გადასარჩენად. ნუ გამოვიყენებთ მათ გმირობას, კეთილგანწყობას და ერის მიმართ სიყვარულს ბოროტად.
კვლავ ძალიან მნიშვნელოვნად რჩება საზოგადოების გონიერება, რომელიც მათ გამოიჩინეს გაზაფხულზე. დღეს ეს გონიერება მეტად უფრო კრიტიკული და მნიშვნელოვანია არა მხოლოდ ჯანდაცვის სექტორისთვის, არამედ თითოეული ჩვენი ოჯახის წევრის სიცოცხლის გადასარჩენად“, – განაცხადა ეკატერინე ტიკარაძემ.
სიახლეები
- "საქართველოს ხელისუფლება, ჩვენი ქვეყანა თავდაცვის რეჟიმშია, ცრუ განცხადებებს როცა ვისმენთ, ჩუმად უნდა ვიყოთ?"- კახა კალაძე
- „ბიბისის“ რეპორტაჟთან დაკავშირებით სიმართლის გამჭვირვალედ დასადგენად ერთადერთი დარჩენილი გზა საერთაშორისო გამოძიებაა" - გიორგი გახარია
- ქუთაისში ახალი მრავალფუნქციური სპორტის სასახლის პროექტირება მიმდინარეობს
- პარლამენტმა მხარი დაუჭირა „სისხლის სამართლის კოდექსში“ ცვლილებებს, რომლის მიხედვითაც, არასრულწლოვნის დანაშაულის ჩადენაში ჩაბმისთვის პასუხისმგებლობა მკაცრდება
- უცხოური ვალუტის ოფიციალური კურსი 18 დეკემბრისთვის
