უკრაინაში რუსეთის შეჭრიდან ერთი თვე გავიდა. ამ დროის განმავლობაში როგორც ქუთაისში, ასევე მთელი საქართველოს მასშტაბით უკრაინის მხარდამჭერი აქციები იმართებოდა.

„ქუთაისში უკრაინკას ქუჩაზე მდუმარე აქცია გაიმართა. დღეს, ზუსტად ერთი თვე გავიდა უკრაინაში ომის დაწყებიდან. დღევანდელი შეკრებით გვინდა, რომ კიდევ ერთხელ გამოვუცხადოთ უკრაინას და უკრაინელ ხალხს ჩვენი სოლიდარობა და მჯერა, რომ უკრაინა ამ ომში აუცილებლად გაიმარჯვებს! დიდება უკრაინას ! დიდება გმირებს!“- განაცხადა FirstNews.ge- თან საუბარში სამეცნიერო-ინტელექტუალური კლუბ -"თაობათა დიალოგის" გენერალურმა მდივანმა ლანა თოთაძემ

შგახსენებთ, რომ რუსეთი უკრაინას 24 თებერვალს თავს  დაესხა. დღემდე იბომბება სხვადასხვა ქალაქები, იღუპება მშვიდობიანი მოსახლეობა, მათ შორის ბავშვები.