იმერეთში, მიმდინარე წლის ბოლოს 65 უსახლკარო და სოციალურად დაუცველი ოჯახი ახალ სახლში იცხოვრებს
იმერეთის მასშტაბით, უსახლკარო, სოციალურად დაუცველი ოჯახებისთვის ბოლო ორი წლის განმავლობაში 55-მდე სახლი აშენდა, ხოლო ამ ეტაპზე 10 სახლის მშენებლობა მიმდინარეობს. ინფორმაციას იმერეთის სახელმწიფო რწმუნებულის ადმინისტრაცია ავრცელებს.
მათივე ცნობით, პროგრამა 5 მუნიციპალიტეტში ხორციელდება და მიზნად უკიდურესად შეჭირვებული ოჯახებისთვის საცხოვრებელი პირობების გაუმჯობესებას ისახავს.
„იმერეთში სახელმწიფო რწმუნებულმა, ლევან ზალკალიანმა და სამტრედიის მუნიციპალიტეტის, მერმა დავით ბახტაძემ ოთხ ოჯახს სახლის გასაღები გადასცეს და ახალმოსახლეობა მიულოცეს.
სახელმწიფოს გვერდით დგომით, აღნიშნული ოჯახები კომფორტულ გარემოში იცხოვრებენ. მანამდე ისინი ავარიულ სახლებში ცხოვრობდნენ, ხოლო მათ საკუთრებაში არსებული შენობები რეაბილიტაციას არ ექვემდებარებოდნენ.
ადგილობრივი ბიუჯეტის დაფინანსებით, უსახლკარო ოჯახებისთვის საცხოვრებელი ფართით უზრუნველყოფის პროგრამა სამტრედიის გარდა, თერჯოლას, წყალტუბოს, ბაღდათსა და ზესტაფონს აქვს,“ - აღნიშნულია ინფორმაციაში.
სიახლეები
- პაატა ბურჭულაძემ თავისუფლების მოედანზე მიმდინარე აქციაზე დეკლარაცია წაიკითხა
- "ჯერჯერობით, ზეიმს არ ვჩქარობთ, მაგრამ დარწმუნებულები ვართ, რომ 20:00 საათზე აუცილებლად მოგვიწევს" - ირაკლი კობახიძე
- აქციის მონაწილეებმა ათონელის საპრეზიდენტო სასახლის ჭიშკარი შეანგრიეს - ადგილზე დაპირისპირებაა
- "ისმის სპეკულაციური განცხადებები ბიულეტენის უკანა მხარეს მარკერის კვალზე" - ცესკოს პრესსპიკერი
- "როგორი განცხადებაც არ უნდა გაკეთდეს ჩვენი ოპონენტებისგან, თუ ის არ იქნება ობიექტური, საზოგადოებას მასზე რეაქცია არ აქვს" - ბიძინა ივანიშვილი
