ქუთაისიდან თბილისის მიმართულებით მოძრავი მატარებელი სოფელ მოხისთან კაცს დაეჯახა
ქარელის რაიონის სოფელ მოხისთან, მატარებლის ლიანდაგზე გადასვლისას კაცს ქუთაისი-თბილისის მატარებელი დაეჯახა.
როგორც Imedinews-თან საუბრისას ადგილობრივმა ლევან ყაულაშვილმა აღნიშნა, კაცი ადგილზე დაიღუპა. მისივე განმარტებით, დაღუპული სოფელ მოხისის მკვიდრია. შემთხვევას ბაქანზე მყოფი ადამიანებიც შეესწრნენ.
მომხდარზე განცხადება საქართველოს რკინიგზამ გაავრცელა.
„დღეს დილით, დაახლოებით 9 საათსა და 30 წუთზე, გომი-აგარას გადასარბენზე მამაკაცი ლიანდაგზე გადადიოდა, რომელსაც ქუთაისიდან თბილისის მიმართულებით მოძრავი მატარებელი დაეჯახა. მოქალაქე ადგილზე გარდაიცვალა. საგამოძიებო მოქმედებებს ატარებენ სამართალდამცავი ორგანოები. საქართველოს რკინიგზა ღრმა მწუხარებას გამოთქვამს მომხდარის გამო და სამძიმარს უცხადებს გარდაცვლილის ოჯახს.
მომხდარის გამო შეყოვნდება ბორჯომი-თბილისის (#685) მიმართულებით მოძრავი მატარებელი, რის გამოც საქართველოს რკინიგზა მგზავრებს ბოდიშს უხდის“ -წერია განცხადებაში.
imedinews.ge
სიახლეები
- “შვედეთის მთავრობამ მიიღო გადაწყვეტილება, რომ შვედეთის სააგენტოს ერთ-ერთი მთავარი დონორის მხრიდან საქართველოს ე.წ. მთავრობას შეუწყდა ყველანაირი დახმარება” - ზურაბიშვილი
- “ბრძოლა თუ ცხადდება, უნდა მიიღო მონაწილეობა, სტრატეგიული შეცდომაა იმ პარტიების დამუნათება, რომლებიც აპირებენ მონაწილეობის მიღებას” - კახა გოგოლაშვილი თვითმმართველობის არჩევნებზე
- “არჩევნებში მონაწილეობა ნებისმიერი პარტიის მთავარი ფუნქციაა, თვითმმართველობის არჩევნები ახლად შექმნილი პარტიისთვის კი განვითარების საუკეთესო შესაძლებლობაა” - თავისუფლების მოედანი
- “საჯარო სამსახურის და ანტიკორუფციულ კანონმდებლობაში შედის შესაბამისი ცვლილება, რომლის მიხედვითაც მრჩევლის ფუნქცია საჯარო სამსახურში იქნება არაანაზღაურებადი სამსახური” - დავით მათიკაშვილი
- “ჯერ სად ხართ, თქვენ თქვენი ამომრჩეველი მოგიღებთ ბოლოს; ჩემი „ხაბეც“ აბობოქრდება და ის ცალკე მოგცემთ მერე „კანტროლკას“ - ზარქუა ოპოზიციაზე
