როგორც მინისტრმა საკოორდინაციო საბჭოს სხდომის დასრულების შემდეგ განაცხადა, ტესტირება აქტიურად ტარდება ყველა პენიტენციურ დაწესებულებაში.

„გასული წლის ბოლოს სპეციალურმა პენიტენციურმა სამსახურმა დაიწყო პატიმრების ინტენსიური პისიარ ტესტირება. 3 იანვარს გაკეთებული ტესტირების შედეგად, ქალთა მეხუთე დაწესებულებაში იყო 23 შემთხვევა გამოვლენილი. ამის შემდეგ ტესტირებამ მოიცვა სხვა დაწესებულებები. განახლებული ინფორმაციის ფარგლებში, 11 იანვარს ტესტირება ჩაუტარდა ქუთაისის მეორე დაწესებულებაში მყოფ 883 პატიმარს, რომელთაგან მხოლოდ ერთი აღმოჩნდა დადებითი. ასეთია დინამიკაა ამ დროისთვის. 12 იანვარს ინტენსიური ტესტირების ფარგლებში, რუსთავის მეექვსე დაწესებულებაში ჩატარდა ტესტირება, რომელიც შედეგებსაც გაგაცნობთ უახლოეს პერიდოში“, – განაცხადა ლორთქიფანიძემ.