"ჩვენ შეგნებულად, მდუმარე დავარქვით ამ აქციას. ძალიან დიდია ჩვენი მწუხარება, ჩვენ არაერთგზის მოვუწოდეთ, ვთხოვეთ ხელისუფლებას, ყოფილიყვნენ მეტად ყურადღებიანები, გაეტარებინათ პრევენციული ღონისძიებები იმისთვის, რომ ქვეყანაში დაეგმოთ ძალადობა და არ ყოფილიყო წახალისებული იგი, ცალკეული ჯგუფების მხრიდან, თუმცა სამწუხაროდ მივიღეთ ძალიან ცუდი რეალობა. არ აქვს მნიშვნელობა, თუ რა დადგინდება საბოლოო მიზეზი, თვითმკვლელობა თუ რამე სხვა. ჩვენ მივიღეთ მოცემულობა, რომ 5 ივლისს 50-ზე მეტი მედიის წარმომადგენელი დაზარალდა.

ყველაზე დიდი პროტესტი სწორედაც, რომ დუმილია. ჩვენ მაინც ვამბობთ სათქმელს, ამ შემთხვევაში მიკროფონთან. ვფიქრობ, რომ საზოგადოებისა და მედიის დაპირისპირება ამ ქვეყანას კარგს არაფერს მოუტანს. ჩვენ შემოგვიერთდნენ სხვადასხვა ორგანიზაციები და მივესალმები,"- განაცხადა FirstNews.ge- თან საუბარში "მეგა ტვ"-ის  მენეჯერმა ნანა თოშხუამ.

შეგახსენებთ, რომ ალექსანდრე ლაშქარავა 5 ივლისს, ორგანიზაცია "სირცხვილიას" ოფისში, "თბილისი პრაიდის"მოწინააღმდეგეებმა სასტიკად სცემეს. მას ოპერაციაც გაუკეთდა. "ტვ პირველის" ოპერატორი დილით, დედამ სახლში გარდაცვლილი იპოვა.