პროგრამის დასაფინანსებლად ქუთაისის მერიამ ბიუჯეტიდან 40 ათასი ლარი გამოყო, აქედან 27 500 ლარი დღის ცენტრის მხარდაჭერის პროგრამას, ხოლო 12 500 ლარი ახალ საცხოვრისს მოხმარდება. ადგილზე იმყოფებოდა ქუთაისის მერის მოადგილე ნინო თვალთვაძე, რომელმაც სარემონტო სამუშაოები დაათვალიერა. კორპუსი 1 თებერვლიდან დაიწყებს ფუნქციონირებას.

"ქუთაისის მუნიციპალიტეტი ბავშვთა სოფელთან თანამშრომლობს 2016 წლიდან, რაც მოიცავდა დღის ცენტრის მხარდაჭერას, სადაც შესაძლებელია განთავსდეს სამ წლამდე ბავშვები და ეს არის ძალიან დიდი დახმარება, განსაკუთრებით მარტოხელა მშობლებისთვის, რომელთაც არ აქვთ შესაძლებლობა დატოვონ ბავშვი, თავად კი ან დასაქმდნენ, ან სხვა სახის საქმიანობა აწარმოონ რომ ელემენტარული შემოსავალი ჰქონდეთ. 2019 წლიდან გადავწყვიტეთ გაგვეფართოვებინა ჩვენი თანამშრომლობის არეალი , პირველი შემთხვევაა როდესაც ქუთაისის მერია აფინანსებს საცხოვრისის პროგრამას, ეს პროგრამა არის მნიშვნელოვანი, განსაკუთრებული საჭიროების წინაშე დგანან ქვეყანაში ის 18 წელს მიღწეული ახალგაზრდები, რომლებიც უკვე გამოვიდნენ სახელმწიფო ზრუნვის პროგრამიდან, განსაკუთრებით ისინი რომლებსაც არ ჰყავთ ოჯახი და სწორედ ეს საცხოვრისი მათ სთავაზობთ სახლს, საოჯახო ტიპის სერვისს და მხარდაჭერას. ქუთაისის მერია ყოველთვის დაუჭერს მხარს ისეთი სერვისის განვითარებას , რომელიც მიმართულია ახალგაზრდა თაობის ხელშეწყობისთვის. რაც შეეხება იმ ახალგაზრდებს რომლებიც 18 წელს ზემოთ არიან და სახელმწიფო მზრუნველობა მათზე აღარ ვრცელდება ქუთაისის მერია განსაკუთრებული საჭიროების მქონე პირთა თანადგომის პროგრამის ფარგლებში ყოველთვიურად 200 ლარიან დახმარებას უწევს,"- განაცხადა ნინო თვალთვაძემ.

ქუთაისის "ბავშვთა სოფლის" დირექტორის ლელა ბარბაქაძის განცხადებით, ახალ კორპუსში იცხოვრებენ სწავლასა და დასაქმებაზე მოტივირებული ახალგაზრდები.

- განაცხადა ლელა ბარბაქაძემ.