მისი თქმით, ხიდის პროექტთთან დაკავშირებით საზოგადოება ინფორმირებული იყო და თეთრი ხიდი საფრთხის შემცველი არ არის.

“არა ერთხელ ქალაქის მერმა და სხვადასხვა სასამხურებმა, სხვადასხვა საშუალებებით მივაწოდეთ ინფორმაცია თეთრი ხიდის რეაბილიტაციასთან და პროექტთან დაკავშირებით. აქ იყო დადგენილი ის ნორმები, რომლებიც კულტურულ მემკვიდრეობასთანაც იყო შეთანხმებული, შესაბამისად, კონსტრუქციულ და მდგრადობის ნაწილთანაც. გვაქვს დასკვნა, რომ  ხიდი მდგრადია, ანუ საფრთხის შემცველი არ არის“,- განცხადა ზვიად ჯავახიამ.

როგორც მან აღნიშნა, ძალიან კარგად იმუშავა შინაგან საქმეთა სამინისტრომ.

ზვიად ჯავახიამ მადლობა გადაუხადა მათ, ვინც ჩართული იყო აღნიშნული საქმის გამოძიებაში. მისივე თქმით, დადგენილია ის პირები და ამ ინფორმაციას შინაგან საქმეთა სამინისტრო გაავრცელებს.

„პირდაპირ გეტყვით, რომ ეს არის ბავშვების თამაში, რომლებიც დახტუნავდენ ხიდის იმ ნაწილზე რომელიც მინის ნაწილია.  დიდი ბოდიში, მაგრამ სკეიტბორდით არ უნდა იხტუნაო. არაჩვეულებრივი სკეიტპარკი გააკეთა ქალაქის მერიამ, სხვათაშორის მათივე მოთხოვნით.  ხიდს არანაირი საფრთხე, სრული პასუხისმგებლობით ვაცხადებ, კონსტრუქციული და მდგრადობის კუთხით არ გააჩნია. ჩვენ მაინც მივიღეთ გადაწყვეტილება და კონკრეტული ადგილი ჯებირებით შემოსაზღვრული გვაქვს. შესაბამისად, ის თუ გარკვეული რაიმე საფრთხის შემცველი ადგილი არის, ეს არ ნიშნავს, რომ სხვა ადგილიც რაიმე საფრთხის შემცველია“, - განაცხადა ქუთაისის მერიის ზედამხედველობის სამსახურის უფროსმა.

ზვიად ჯავახიამ ასევე აღნიშნა, რომ თეთრი ხიდი, რომელიც ქუთაისის ერთ-ერთი სიმბოლოა და ის იქნება მემატიანე, თუმცა ამჟამად ბოლომდე დასრულებული არ არის. მისივე თქმით, არის რაღაც ელემენტები, რომლებიც დასასრულებელია. მან აღნიშნა, რომ კონტრაქტორ ორგანიზაციას კონტრაქტი შეუწყვიტეს და სამართლებრივი დავა მიმდინარეობს.