ბათუმში კაცმა ცოლი მოკლა - შსს
შინაგან საქმეთა სამინისტროს ინფორმაციით, წარსულში ნასამართლევმა, 1979 წელს დაბადებულმა კაცმა ცოლი თავიანთ სახლში დანით დაჭრა და მიიმალა. პოლიციამ იგი უკვე დააკავა.
1987 წელს დაბადებული ქალი, შსს-ს ინფორმაციით, კლინიკაში მიყვანისთანავე გარდაიცვალა.
„სამართალდამცველებმა დანაშაულის ჩადენის იარაღი - დანა ნივთმტკიცების სახით ამოიღეს. გამოძიება საქართველოს სისხლის სამართლის კოდექსის 109-ე მუხლის "კ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს“, - ნათქვამია შსს-ს ინფორმაციაში.
არსებული ცნობით, ცოლ-ქმარი ქედის მუნიციპალიტეტის მკვიდრია და ბათუმში ქირით ცხოვრობდა, ორ მცირეწლოვან შვილთან ერთად.
მკვლელობაში ბრალდებულის აღკვეთის შეფარდების საკითხს ბათუმის საქალაქო სასამართლო, სავარაუდოდ, დღეს განიხილავს.
სიახლეები
- უცხოური ვალუტის ოფიციალური კურსი 16 სექტემბრისთვის
- აშშ ჩინეთს TikTok-ის აკრძალვით ემუქრება
- “ეს ადამიანები არავის აინტერესებს, ამიტომ ცდილობენ ქვეყნის მოსახლეობას თავი დანაშაულებით შეახსენონ” - კახა კალაძე ელენე ხოშტარიას დაკავებაზე
- შსს ელენე ხოშტარიას დაკავებასთან დაკავშირებით განცხადებას ავრცელებს
- “მათი ერთადერთი სურვილია, როგორმე სახელმწიფო გადატრიალება მოახდინონ - არ გამოვა ეს” - კახა კალაძე ოპოზიციაზე
