არასრულწლოვანის შიშველი ფოტოების გაგზავნის იძულების ბრალდებით ერთი პირი დააკავეს
15 წლამდე პატიმრობა ემუქრება 23 წლის კაცს, რომელმაც არასრულწლოვანს შიშველი ფოტოების გადაღება და გაგზავნა აიძულა. გამოძიება ჩაატარა სპეციალურმა საგამოძიებო სამსახურმა, პროკურატურის წაყენებული ბრალით კი მას აღკვეთის ღონისძიებად პატიმრობა შეეფარდა.
გამოძიების მიხედვით, კაცმა 2023 წლის სექტემბერში სოციალური ქსელით გაიცნო 13 წლის გოგო, რომელსაც შიშველი სხეულის ამსახველი ფოტო/ვიდეო კადრების გადაღება და გაგზავნა მოსთხოვა, წინააღმდეგ შემთხვევაში სკოლასთან დახვედრით და ფიზიკური ანგარიშსწორებით დაემუქრა.
კაცს ბრალი წაუყენეს სისხლის სამართლის კოდექსის სამი მუხლით:
- 157 პრიმა მუხლის პირველი ნაწილით - პირადი ცხოვრების საიდუმლოს უკანონოდ მოპოვება, შენახვა, გამოყენება, გავრცელება - ისჯება 4-დან 7 წლამდე პატიმრობით;
- 139-ე მუხლის მე-4 ნაწილის „ბ“ ქვეპუნქტით - არასრულწლოვნის სექსუალური ხასიათის ქმედებაში იძულება - ისჯება 9-დან 15 წლამდე პატიმრობით.
"შეშინებულმა არასრულწლოვანმა ზემოაღნიშნულ პირს ინტიმური შინაარსის შემცველი სხეულის ფოტო და ვიდეო კადრები გადაუგზავნა. ამის შემდეგ კი ბრალდებულმა არასრულწლოვანს აღნიშნული კადრების დედასთან და ახლობლებთან გავრცელების მუქარით, დამატებით ფოტო და ვიდეომასალის გადაგზავნა აიძულა", - წერია სპეციალური საგამოძიებო სამსახურის გავრცელებულ ინფორმაციაში. საგამოძიებო უწყებამ მომხდარის შესახებ დედისგან შეიტყო.
ინფორმაციაში ასევე აღნიშნულია, რომ ბრალდებულის ჩხრეკისას ნახეს მობილური ტელეფონი, რომელშიც შენახული იყო ამ არასრულწლოვანის ინტიმური ფოტოები.
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე