საზაფხულო ბაღებში რეგისტრაცია 5 ივნისს დაიწყება
თბილისის მერმა კახა კალაძემ დედაქალაქის მთავრობის სხდომაზე თქვა, რომ საზაფხულო საბავშვო ბაღებში რეგისტრაცია 5 ივნისს, 10:00 საათზე დაიწყება და ივნისის ბოლომდე გაგრძელდება. რეგისტრაცია თბილისის საბავშვო ბაგა-ბაღების მართვის სააგენტოს ვებსაიტზე ელექტრონულად წარიმართება.
ბაღებში ჩაირიცხებიან თბილისის საჯარო ბაღებში რეგისტრირებული 2-დან 6 წლამდე აღსაზრდელები, მათ შორის, ის ბავშვები, რომლებიც სექტემბერში პირველი კლასის მოსწავლეები გახდებიან.
თბილისის მერის თქმით, საზაფხულო ბაღების პროექტის ფარგლებში წელს 45-ის ნაცვლად, 50 საბავშვო ბაღი იმუშავებს და 18 000-მდე აღსაზრდელს მოემსახურება. 50 საზაფხულო ბაღში 3 100 თანამშრომელი იმუშავებს, რომლებიც გაორმაგებულ ანაზღაურებას მიიღებენ. პროექტი დედაქალაქის 2024 წლის ბიუჯეტიდან 6 მილიონამდე ლარით დაფინანსდება.
„საბავშვო ბაღები შერჩეულია გეოგრაფიული პრინციპით, რათა თბილისის ყველა უბნის მცხოვრებლებისთვის თანაბრად იყოს ხელმისაწვდომი“, - აღნიშნა კახა კალაძემ.
თბილისის საზაფხულო ბაღების სია იხილეთ აქ.
სიახლეები
- " არ ვემხრობი ერთიან სიას, არ მგონია, რომ ეს იყოს სწორი ფორმულა გამარჯვებისთვის " - ეკა ბესელია
- ქათმისა და ყველის მაჭკატები
- " საარჩევნოდ ოთხი პოლიტიკური ცენტრი გვექნება - თუ ბიძინა შემოვიდა თამაშში, მაშინ ან ზურაბიშვილი ადის „ოლიმპოზე“, ან ბიძინას მოუწევს მიწაზე ჩამოსვლა " - გია ხუხაშვილი
- "ევროკავშირი სერიოზული ზომებისთვის ემზადება, რომელიც ამ ეტაპზე მიმართული იქნება „ქართული ოცნების“ ლიდერებზე, ბიძინა ივანიშვილზე, დეპუტატებზე " - სერგო ჩიხლაძე
- 5 თვეში რძისა და რძის პროდუქტების მწარმოებელ/გადამამუშავებელ ბიზნესოპერატორებთან 6729 კონტროლი განხორციელდა, გამოვლინდა 508 სამართალდარღვევა - სურსათის ეროვნული სააგენტო