ლარში აღებულ 180 000 სესხზე პროცენტი მცირდება
მომავალი თვიდან, ლარში აღებულ სესხებზე ყოველთვიური შენატანი მცირდება. რეფინანსირების განაკვეთის შემცირებაზე გადაწყვეტილება ეროვნული ბანკის მონეტარულმა კომიტეტმა დღეს, 22 მაისს, მიიღო.
ლარში გაცემული სესხის პროცენტი 0,25 ერთეულით მცირდება. საქართველოში ლარში 180 000 სესხია გაცემული.
შემცირებული პროცენტი ავტომატურად აისახება გადასახდელ თანხაში. ბანკში ხელშეკრულების განახლება არ არის საჭირო. ყველა მსესხებლისთვის ინდივიდუალურად შეიცვლება პირობები: ეს დამოკიდებულია დარჩენილ სესხსა და ყოველთვიურად გადასახდელი თანხის ოდენობაზე.
„მიუხედავად პოზიტიური ტენდენციებისა, გაურკვევლობამ მოიმატა. როგორც შიდა, ისე გეოპოლიტიკური ვითარებიდან მომდინარე ინფლაციური რისკები გაზრდილია. ასევე საყურადღებოა, რომ ბოლო თვეებში ინფლაციური მოლოდინები მცირედ მომატებულია“, - აცხადებენ ეროვნულ ბანკში.
ეროვნული ბანკის მონეტარული პოლიტიკის კომიტეტის შემდეგი სხდომა 2024 წლის 19 ივნისს ჩატარდება.
სიახლეები
- თურქეთის სამხრეთ რეგიონში მასშტაბური ხანძრის შედეგად, სულ მცირე, ხუთი ადამიანი დაიღუპა
- ევროპული საბჭოს თავმჯდომარე ქვეყანა ბელგია აცხადებს, რომ უკრაინასა და მოლდოვის გაწევრიანებაზე მოლაპარაკებების ჩარჩოებთან დაკავშირებით პოზიციები შეჯერებულია და კონსულტაციები 25 ივნისს გაიმართება
- ბროკოლის კრემ–სუპი
- „გამჭვირვალობის კანონი“ კანადაში თუ არ უთხრის ძირს დემოკრატიას, პირიქით, აძლიერებს მის სუვერენიტეტს, როგორ შეიძლება ამან საქართველოს რაიმე ფორმით ძირი გამოუთხაროს " - დავით მათიკაშვილი
- „ქართული ოცნება“ უნდა ჩამოყალიბდეს, რომელ გზას ირჩევს: ირაკლი კობახიძის გზას, თუ გურამ მაჭარაშვილის" - იაგო ხვიჩია